珍珠首飾

好嘢, 終於搵到一set靚靚珍珠頸鍊啦! 

 一直以嚟我都認為珍珠係婚紗既最佳朋友, 於是就一直不時留意珍珠既首飾, 但係好多時係啲珠寶店既珍珠款式都係一條普通珍珠鍊, 如果要有啲閃閃石, 又太貴! 但我又唔想買啲假珠, 點都要養珠啦!

終於係isquare地庫一間叫Toscow既澳洲品牌首飾店到見到好靚及又有款既珍珠首飾! 所以今日同謝菲屋企係TST飲完茶及買完金器後, 未來99就話不如去望埋啲珍珠首飾啦!! 經過一輪試戴後, 就一至認為呢set珍珠頸鍊及耳環又可朝早行禮註冊, 夜晚進場又得, 價錢又合理, 於是就係咁未來99買埋佢俾我帶返屋企!