經過一個下午, 係東大門及Tesco大戰之後, 一抽二"lun", 都係返酒店放底啲嘢先, 然後先出去食飯!!!
今晚去邊到開飯呢?!!!! 不如行去南大門個邊啦!!! 由酒店行去南大門, 沿路又再經過明洞啦, 首爾啲聖誕燈飾唔係太多, 無香港咁五光十色!!!
行咗約20-30分鐘, 就到咗南大門, 呢度好多都係賣手信嘢, 好似人參, 紫菜呀咁, 不過我地都無幫襯, 因為我地都係諗住嚟食嘢咋
南大門有一條小街巷, 兩邊全部係食店, 而食店門口放晒啲嘢食既sample係度, 所以order既時候一啲問題都無, 價錢又唔貴, 幾好!!!
我地就是但揀一間, 因為望落去間間都差唔多, 入到去, 都見到有啲韓國人係度食, 我諗都ok呢,,,,呢度室內可以食煙, 你睇韓國叔叔食到幾free!!!
我地都係睇住個有相既Menu叫嘢食, 今晚就叫咗:
刀魚蘿蔔煱, 海鮮煎餅, 石頭煱飯, 韓式炒年糕
個刀魚即係牙帶魚, 呢個辣辣地好好味, 係香港從來未食過呢, 而其他之前係香港都食過, 但係呢度就平好多, 又好食喎, 抵呀!!!
食飽之後, 就又沿途係明洞行咗陣, 之後就返酒店點算今日既收穫啦!
No comments:
Post a Comment