星期六日番咗上大陸, 早上搭9am既巴士, 番到碧桂園都已經係12:30pm啦, 天氣真係好熱呢!!!
一入到花園, 除咗有我隻可愛狗仔bonbon外, 仲見到之前爸爸種既果樹有好多果實啦!!! 真係前人種果後人食呀! 
最開心就係見到呢棵荔枝樹, 種咗都有3年啦, 今年係第一年有荔枝呢, 雖然果實唔多, 但係味道都唔錯呀, 唔係太酸, 食得吓呢! 唔知大家細個既時候, 有無試過番大陸摘荔枝呢, 啲老人家仲話食樹上即摘既荔枝係好"火", 好燥呢! 仲勁過一粒荔枝三把火呀!
呢棵我就覺得佢似天桃(台灣人叫蓮霧), 但係爸爸就叫佢做"貧莆", 都唔係唔係同一樣既生果, 但係呢種"貧莆"唔好食呢
, 無人吼!
, 無人吼!
再嚟就係黃皮啦, 今年已經係第三年食呢, 每年端午節後就一定有得食! 黃皮既味道不嬲都係酸, 而我又係一個食得酸既人, 所以味道ok呀! 
最後就係芒果樹啦, 好可惜未熟, 要等多2至4星期先食得呀!
同場加映, 好靚既花呢, 天氣真係好好, 所以連花都開的特別靚呀!
突然諗起而家啲小朋友, 有幾多個曾經去試過果樹摘生果食呢?!!! 
我試過摘荔枝啊，不過我就唔算小朋友啦 d毛毛蟲好得人驚>.<
ReplyDelete[版主回覆06/28/2011 23:29:00]哈哈, 我前細個都試過摘荔枝呢, 不過我好彩未俾我見過啲毛毛蟲, 好彩!
小時侯都跟媽媽參加過荔枝團....要自己爬上樹才有得吃架...想返起都係好好的回憶
ReplyDelete[版主回覆06/28/2011 23:32:00]我細過都有摘荔枝呢, 記憶中未必係最好食, 但就係好好玩, 呢啲真係一個好好既回憶,
嘩....種左好多生果啊, 一定係要花好多心機打理
ReplyDelete[版主回覆06/28/2011 23:34:00]哈哈哈, 我淨係識負責食呢 ,,,,其他咩都唔識打理呢,,,,