唔覺唔覺已經結婚半年啦!!!!本來一早諗咗會出街食飯慶祝吓, 但因為家中有事要辦, 星期六正日要上大陸呢, 所以就不如提前一日留係家中慶祝啦 (出面落雨C濕, 都係在家千日好
).
).
同謝菲一早諗咗叫外賣, 哈哈哈, 好耐無叫Delivery啦. 今晚就order咗California Pizza Kitchen, 係屋企食pizza就係最Free, 今次order咗The Works, Classic Caesar salad 同兩個湯, 好味呢, 最鐘意啲pizza個批或唔會好似pizza hut咁, 食到成手油, 食完都唔會飽飽滯滯.
雖然莎拉無自己親自下廚, 但係莎拉已經係前一晚整咗個Mixed Berry Mousse作為是晚既甜品呢
.
. 
至於娛興節目就係睇DVD, 當然唔係普通既Movie啦, 而係睇番莎拉與謝菲12年前第一次睇既電影"Waterboy". 謝菲仲專登係前兩日去HMV搵番呢套戲既DVD呢, 12年後再睇番呢套戲一樣咁好笑, 點解?! 因為就係睇呢套戲既時候, 謝菲唔覺意咁拖住莎拉隻手, 就係咁就拖實成為陶太啦.
老公, 我愛你!!!!
好浪漫亦都好老套，點解d男人最鍾意係黑麻麻既地方拖手??一定係怕比人拒絕都唔會比咁多人見到.......haha......
ReplyDelete十二個年頭，真係......唔簡單!!! 半週年快樂!!!
[版主回覆06/21/2011 23:30:00]因為黑麻麻俾人reject都可以扮無嘢呀嗎,,,無咁"law"呀!!!!
12年快呢, 唔覺唔覺就過啦,,,而家有時都要計吓先知今年係第幾年呀,,,
婚後我都覺得兩個人簡簡單單就已經好開心~
ReplyDelete[版主回覆06/21/2011 23:32:00]唔需要啲咩嘢, 大家開心, 少啲吵架已經好好呢,,,平啖才可以last forever!!!
恭喜哂陶c9~~~ 眨吓眼已經半年真係唔多覺~~~ 你同陶生愛情故事完全係一套戲啦~~ yeah!!!!!
ReplyDelete[版主回覆06/21/2011 23:35:00]San Q呢,,,,,,哈哈哈, 唔通要唱"現代愛情故事"!!???Wakaka!!!
恭喜恭喜
ReplyDelete[版主回覆06/21/2011 23:38:00]你都係呢,,,我都恭喜你半週年呀!!!!
哈哈,係咪真係唔覺意ga 半周年睇番12年前睇過gei戲,冧到爆丫~~ 我成日都覺得你地結左婚好耐咁~但係仍然都係sweet 到漏~
ReplyDelete[版主回覆06/21/2011 23:40:00]因為一齊咁耐呢, 唔想似老夫老妻都幾難呀,,,,,
你點樣可以整到個mousse一層一層噶？ 好想食啊！
ReplyDelete[版主回覆06/21/2011 23:44:00]要整咗一層之後放入雪櫃雪15min, 之後再加另一層, 再雪15min, 之後再加,,,,,唔難整, 不過就要時間呢,,
California Pizza Kitchen 正喎！！
ReplyDelete係未好似唔係任何地方都送架？？
[版主回覆06/21/2011 23:46:00]無錯呀, 唔係每個區都有delivery, 你可以去佢個website睇睇呢,,
http://www.cpkgps.com/en/index.php?q=home
嘻嘻....真係咁唔覺意拖左你隻手喇 Happy 6 months anniversary ar~~
ReplyDelete[版主回覆06/23/2011 23:20:00]哈哈哈, 其實係黑麻麻既環境, 哀咗都無咁"law", 所以佢好可能係有心呢,,,,
一層15分鐘，睇黎你至少都用佐個幾鈡去整wor... 你落佐甘多心力，陶生一定 冧到爆！！！ Happy半周年ar
ReplyDelete[版主回覆06/23/2011 23:22:00]真係無幾何呢, 所以先會整咁多層, 平時最多咪2層,,,,所以呢個真係limited edition呢,,,,,
好老土呀o係戲院拖手!!! 但其實我都唔好得幾多.....o係巴士!!!!!
ReplyDelete[版主回覆06/23/2011 23:26:00]haha,,,,,,真係老土都震架,,,,, , 仲正都之後去座公園"談心"呢,,,,,,
巴士都係一個好地方, 架巴士唔覺意一剎車, 就可以扮嘢捉住隻手呢,,,wakaka!!!