2011/07/10

Wedding vendor review - Converse (裙掛鞋)

係時候輪到開始寫商戶評分啦!
**************************************************
商戶: Converse
評分: 5分  (最高5x)
**************************************************
打從一開始就決定要揾波鞋去襯裙掛, 一來會覺得young啲又潮, 二來可以俾對腳休息多一陣, 因為打後全日都要著高踭鞋, 如果早上只係著平底鞋, 對腳就無咁受罪啦. 而最後我當日既決定係啱架, 因為著住平底鞋真係好舒服!!!

好鐘意呢對金色既Converse, 但又唔捨得拎出嚟著, 所以而家對鞋已經收埋係櫃內啦! 唔知各位靚太/B2B會點樣處置當日既裙掛鞋及婚紗鞋呢?!

網址:
相關文章:
張貼者： 於
標籤：

13 comments:

  1. Shelley7/10/2011 12:25 PM

    好閃呀...但我買左褂鞋了 $35荀崗, 希望著夠一天先好爛啦...
    [版主回覆07/12/2011 00:09:00]啲褂鞋好穩震既, 從來都無聽過有新娘著爛呢,,,heehee, 放心呢,,,

    ReplyDelete
  2. Tareworker7/10/2011 1:34 PM

    我對婚紗鞋而家會返工著呀, 不過覺得好高, 唔知點解結婚o個日唔覺既... 哈哈~
    [版主回覆07/12/2011 00:13:00]哈哈哈, 因為當時為搞婚禮既時候, 雙眼同個心已經係盲目呢 (自己而家完原覺得係當時盲咗!!!!) 我對婚紗鞋而窕仲係櫃內呢, 我諗真係去飲先著得到呢,,,

    ReplyDelete
  3. 傻瓜‧菲7/10/2011 2:38 PM

    aiya....好靚好靚呀!!!! 金色CONVERSE勁靚.....俾我都唔捨得著呀~~
    [版主回覆07/12/2011 00:18:00]heehee, 就係貪佢夠bling bling呢 !!!!所以自此就無再著呢,,,因為真係唔捨得呀!!!!

    ReplyDelete
  4. KKW7/10/2011 2:49 PM

    襯白色tee去著
    [版主回覆07/12/2011 00:19:00]無錯呀, 呢啲金色嘢最match黑色or白色衫呢,,

    ReplyDelete
  5. 小雪豬7/10/2011 4:12 PM

    我都係...貪舒服買左對紅色既arnold palmer著!!不過婚後對鞋一直都無再著，都係收埋左係鞋櫃度發緊毛.....wahaha......
    [版主回覆07/12/2011 00:23:00]hahaha,,,我諗我對converse同你對紅色arnold palmer既命運都係一樣, 就係收係櫃內, 等一年一次(結婚週年記念?!_鑼出嚟望吓呢,,,

    ReplyDelete
  6. Shelley7/12/2011 12:33 AM

    著一次唔著對我來說好浪費...又無可能婚後物資賣返出去...所以我選求其穿大陸野就算了...我都後悔買了兩對金都的晚裝鞋哩...好彩 prewedding 果陣狂著...都無咁唔抵嘛...你對鞋咁靚...平時著其實都得架...唔好放著發 mo啦.
    [版主回覆07/12/2011 23:53:00]我就係覺得無佢係度發毛好"晒"呢,,,Heehee, 或者有一日好天可以攞出嚟著呢,,,,其真好似你咁, 啲晚裝鞋著到2次已經抵番架啦!!!

    ReplyDelete
  7. 艾利絲7/13/2011 1:48 PM

    正呀... 不過我奶奶一定唔俾...haha...
    對鞋咁靚, 平時著都ok呀...
    [版主回覆07/13/2011 23:13:00]好彩屋企人無咩意見, 所以自己先可以亂咁嚟咋!
    我見咁多Blog友仔都話唔好浪費對鞋, 我可能都會諗諗佢搵日俾對鞋出吓街呢!!!!

    ReplyDelete
  8. Fanny Yip7/14/2011 10:58 AM

    對金色CONVERSE真係好靚好襯著褂時著喎!! 果然有眼光呀....
    [版主回覆07/14/2011 23:41:00]呢對converse真係愛不釋手呢,,,,所以搞到而家唔捨得粗著呢,,,

    ReplyDelete
  9. 醜八怪的月芽兒7/14/2011 10:59 PM

    好靚呀,,不過我估屋企同男家果邊不多LIKE,,所以我係大陸買左平平地35,,你果對不好不著,,好SIZE,,一年著一兩次,,,當然一日係週年日,!!!
    [版主回覆07/14/2011 23:45:00]興幸自己及老公屋企無咩所謂, 所以先可以滿足吓自己呢,,,
    就係因為唔捨得粗著, 不過真係好浪費呢,,所以你個建議都幾好, heehee, 結婚週年, 拍拖週年著一著,,,

    ReplyDelete
  10. bubibu*7/15/2011 1:23 PM

    我d結婚鞋都係擺晒係屋企呢! 金色cons好型啊! 但俾我唔再著的原因會係驚太誇張多過唔捨得 =]
    [版主回覆07/16/2011 11:52:00]咪就係太型, 所以之後想再著都要諗諗點樣襯呢,,,,,

    ReplyDelete
  11. pui see7/16/2011 10:59 PM

    封塵
    [版主回覆07/20/2011 23:51:00]HAHA,,,,我都仲有對Wedding gown鞋在發毛中,,,,

    ReplyDelete
  12. 阿雪琪7/18/2011 4:24 PM

    超型啦你, Converse波鞋襯掛!!! 平時影pre-wedding都係用波鞋來襯WG方便攀山涉水姐....HAHAHAHA
    [版主回覆07/20/2011 23:32:00]真係型得果一陣咋,,,,,,其實都係為咗隻腳唔想受罪呢, 先選擇波鞋呢 . 我影外影Pre-wedding, 都係著波鞋, 真係方便好多架, 所以我好佩服啲b2b可以著高跟鞋去石澳攀山涉水呢,,,,

    ReplyDelete
  13. Suki7/09/2012 5:41 PM

    想問仲有無得買?
    [版主回覆07/09/2012 17:54:41]好可能沒有得賣, 因為大約半年前有Blogger問我攞對鞋既型號去波鞋街買, 呢個款已經沒有再出呢

    ReplyDelete

Subscribe to: Post Comments (Atom)