終極防曬-Armada Post Procedure Cream 50+

莎拉係一個好鍾意同陽光玩遊戲既人, 一到夏天就咩嘢wakeboard, 游船河, 沙灘游水任何既水上活動就一定會參與. 不過好衰唔衰, 莎拉本身既臉, 一曬完就好容易出雀斑(討厭到C), 前幾年仲後生, 啲雀斑呢頭出, 過一個Summer就會退卻. 但係呢一兩年, 真係年紀大, 啲雀斑好難同好耐都唔退, 無論我點查防曬Cream, 又試過不同既牌字, 都係唔掂, 一曬完啲雀斑就無所遁形, 真係令到呢個鐘意戶外活動既人好苦惱!!!

係最近一次既陽光活動, 有朋友仔介紹我用VMV Hypoallergenics既防曬Cream "Armada Post Procedure Cream 50+", 呢隻Cream專係俾皮膚極度容易敏感, 同埋皮膚做完laser treatment, 果酸換膚等對光線敏感既皮膚用. UVA/UVB, Infrared visible light(室外及室內) 通通都可以保護到.

預告<曼谷泰開心>生日之旅

Yeah Yeah Yeah!!!!呢篇blog出既時候, 我同謝菲已經去緊機場搭緊夜機飛去暹羅國啦!!!!!

 為慶祝謝菲下星期既生日, 我地就整個3日2夜既"曼谷泰開心"生日旅程. 雖然都已經係第三次去曼谷, 但因為我同謝菲都係一個"Spa精", 所以去咁多次都唔覺悶呢!!! 返到嚟再同大家分享我地呢個trip啦!!!

滋潤養顏-桂花杞子龍眼糕(附有食譜)

甜品食得多既時候真係會guilty架, 所以如果食啲有養顏保健既甜品既話, 就可以同自己講, 食多件都無問題有益架~~~(自己呃自己)!!

夏天熱鬼辣辣, 當然係整啲凍冰冰既甜品啦, 上次返大陸既時候, 摘咗好多自家種既龍眼, 但係又食唔晒, 所以就整咗個桂花杞子龍眼糕.

桂花具祛濕, 排毒, 潤腸健胃等功效.

杞子有滋補肝腎, 明目, 潤肺功效.

龍眼有壯陽益氣, 養血安神, 健胃益腎, 潤膚美容, 延年益壽等功效.

呢個甜品特別係對女性有益架!!!!

朝拜三星灣

繼上次既游船河活動之後, 當然一眾朋友仔唔多夠喉, 點都要整多次曬到燶既水上活動. 而我地每年一都差唔多會去既三星灣, 當然會成為我地8月份既水上活動啦!

Wedding vendor review - Muse Muse (婚禮拍攝-photo)

差唔多寫到既商戶評分既尾聲啦! 寫完Muse既film評分Muse Muse(婚禮攝影-Film), 就要寫埋Photo最後呢部份啦!

Muse Photo

**************************************************
商戶: Muse Muse Wedding & Portrait Photography
評分: 4分  (最高5x)
**************************************************
大婚當日, Muse team總共有5個人, 1個係負責影movie, 而另外3個就負責影相(Standard及Snap-Shot), 而另一個就係assistant.  當然Muse係呢個team既靈魂人物, 而收到既相後, 無可口非, Muse影出嚟既相的而且確係比另外一位影snap既攝影師好.

當日我既schedule都比較急, 早上接新娘時需要向太多親戚敬茶, 所以原先想早啲換婚紗去影番啲真正既Wedding photo, 都沒有時間, 要取消!!!! 嗚嗚嗚....好後悔, 沒有機會影到Muse獨特風格既婚紗相呢~~~~(沒有他的magic!!!)

雖然係咁, 但Muse都影到一啲我喜歡既相, 捕捉到婚禮上各人自然流路既神情. 不過Muse親自影既相就略然少咗啲, 因基本上早上既接新娘及下午既註冊儀式, Muse都有親自影相,  但之後回到酒店後, Muse就開始親自整個same day eidt, 所以期後都沒有見佢有影相啦! Muse親自影既只有250張, 不過呢250張全部都做咗執相同加咗effect.

而另外Standard及Snap shot加埋都有1100張相, 數量相比起其他攝影師好似係少咗啲. 不過我覺得最大問題係影啲snap-shot既相比我預期既少, 好似証婚及晚宴既好多details位(我指既係對啲decoration, 道具,,,等等), 基本上係無乜點影過, 係呢方面真係有啲失望, 因為呢啲details係我婚禮既一部份呢!!!! 唔知係咪我之前沒有同Muse team好好溝通, 所以他們沒有特別幫我影呢啲死物snap呢?!!! 如果我早知係咁, 就真係另願平平地請多個snap shot 既photographer啦.

Muse俾相既速度就比較慢, 我差唔多在婚後2個半-3個月才收齊所有相, 不過可能同佢地當時公司人事變動有關, 所以等咗好耐才收到相.

Tips for B2B:

1. 婚禮前, 最好同Muse傾好, 他本人會有多少時間作親自拍攝, 因為晚上他未必有時間影相.
2. 早上要預留多一啲時間給影video及photo, 因video可能有機會NG, 一個Shot可能要拍幾次才有理想效果.
3. 預早給予大婚當日既Schedule給對方,  看看是否有足夠時間影wedding photo. 
4.  如想有某啲特別要求 (例如影婚禮上各細節位既snap), 最好之前通知對方有此要求.

總括嚟講, Muse team當日除咗未有幫我影婚禮上既細節位snap外, 同埋我schedule太緊迫未能影wedding相外, 而有所失望之外, 基本上其他都好滿意(特別係video個part已經覺得係值得啦)! 所以緊記大婚前, 要同攝影師溝通好, 就可以避免出現我所遇到既問題啦!

係度同大家分享吓Muse當日影既相啦!

一個人的晚餐-多薑多蔥撈麵拼餃子

莎拉唔係一個飯桶之人, 所以當謝菲有時要OT時, 我就一定自己整麵食, 所有粉麵都係莎拉既至愛呢.

一個人既Dinner就最好簡簡單單, 見雪櫃有咩就整咩啦(順便可以清雪櫃既存貨)! 今次就整咗一個勁多薑蔥既蠔油撈麵加幾隻餃子, 最鐘意個仲爆薑蔥既味道加埋啲麻油, 真係好正呢! 一個人棒住碟麵睇電視食, 好鬼嘆架!!!!

窩心小禮物

星期五放工後, 成個C9"轆"咁, 左一袋, 右一袋, 番到屋企, 入到門口, 見到食飯檯上, 放咗一大個用雜誌包咗既嘢, 寫有一張字條, 係咩呢???真係全無頭緒!

打開嚟睇睇先....

金價貴到嚇C人

嘩嘩嘩!!!!!今日行過金鋪, 望一望今日金飾賣出價-------->$18,030, 真係貴到嚇C人呀!!!! 1年前既今日, 個金價都只係$12,100, 當時辨嫁妝既時候都已經覺得啲金好貴架啦, 但係真係估唔到短短一年已經升咗35%, 真係升得快過穿梭機呀!

Oh,,,,,,Crap Sunday

星期六來去衝衝咁上咗番禺慶祝伯父既生日, 星期日咁啱得咁蹺就係媽咪個邊既親戚搞既"瘋狂海鮮日", 因為媽咪既契妹係海鮮買手, 所以啲蝦蝦蟹蟹特別新鮮, 而每逢夏天就係食蟹既最佳時候啦!!! 中午就開始我地既"Oh,,,Crap Sunday"啦.

中午就食蟹, 真係好似無咩幾何呢, 仲要係一切過蒸起有有咁多, 真係何其壯觀!!! 雖然啲奄仔蟹細細隻, 但就係好鬼多膏, 又好鮮甜既蟹味!!!! 哈哈哈, 我一個人都食咗5隻呀!!!真係膽固醇萬歲!!!

蘆薈荔枝啫喱

8月份既夏天真係特別悶熱, 真係要食番啲清涼啲既嘢先得. 之前一直行過街市都見到有啲檔口有新鮮既蘆薈賣. 原來一支大蘆薈都係賣$15, 平時老X家啲即食蘆薈一樽都要成$3X! 從來未試過自己整, 今次自己試吓整, 又平又健康呢!

星期六-Movie Night

星期六晚, 最好既拍拖節目莫過於Movie Night啦! 謝菲一早online買定戲飛睇宇宙最強既甄子丹及依然靚仔既金城武新戲"武俠"!!!

係屋企食完晚飯過後, 就去Elements既The Grand Cinema啦, 都唔知點解, 食飽飯都可以叫個Combo, 大爆谷+Hot-Dog+1支Cola, 真係痴咗線!!!

隻Hot Dog係仲要食住嚟影相呀, 罪證呀!

都係講番套戲先啦, 可能入去睇之前, 沒有預期什麼, 所以返而覺得唔錯呀, 有啲驚喜呀! 套戲有啲似中國版既福爾摩斯查案偵探電影(金城武好靚仔呢,,,,), 故事都吸引, 拍既場景好靚, 都係一套值得入戲院睇既電影呀!

故事簡介

《武俠》描述俠客劉金喜（甄子丹）隱姓埋名，與妻子阿玉（湯唯）和一雙兒子生活在一處偏遠的小村莊，卻被捲入一樁離奇的命案。捕快徐百九（金城武）是一位“武癡”，在查案的過程中，嗅到了劉金喜身上必有過人之處。不料，卻因為他的好奇，迫使劉金喜面臨和七十二地煞教主（王羽）的生死對決，他的家庭危在旦夕，他們的家園，遭受滅頂之災……

Visitor Counter