曼谷泰開心生日之旅-Day 2(上)

第二日起身之後就落去餐廳食早餐, 早餐既款式唔算十分多, 但係基本嘢都有齊, 例如toast, omlette, cereal, 生果, yogurt, 粥, 炒粉麵, 果汁, coffee, tea, 等等, 以呢個價錢既酒店真係算唔錯啦.

而眼見呢間酒店有70%都係香港人(好彩唔係內地人), 所以大家都食得好有品.

酒店其實都有游泳池, 但好細呢, 所以就真係唔多吸引啦

一出酒店門口對正就有啲車仔檔, 我地就無試過啦, 不過應該就有一檔係賣海南雞飯, 而有一檔就賣湯粉麵.

All seasons bangkok victory monument其實係在Sanam Pao BTS站附近(Exit 3), 由酒店行去BTS站都只係2min(一轉彎就見BTS站), 所以真係好方便.  

出到去Chit Lom, 首先第一件事就係去換錢先. 之前睇forum綱友介紹一間係Big C 旁邊既找換店叫Super Rich(http://www.superrich1965.com/app/our_rates.aspx), 佢個rate比起機場, 其他銀行及酒店係好啲架, 加上佢有不同分店係市中心, 所以都好方便. 不過記住要帶passport或ID Card呀, 我同謝菲當日就係咩都無帶, 差啲要折返酒店攞passport, 好彩有一個好心既靚仔台灣人肯幫手幫我地換埋錢呢.

曼谷既天氣真係比香港好, 就算係成32C, 但都唔覺得好熱, 起碼有風吹埋嚟, 而空氣質素都比香港好呢.

見到街邊既小販有新鮮既橙汁賣, 當然要整番支啦.

第一站就首先行吓Central World先. 自從上年紅衫軍壇嘢, 燒咗部份Central World, 基本上商場而家已經recover, 但就係無咗Zen百貨公司呀!

Central World 出面廣場既象神

跟住就去對面既Big C賣吓手信, 每次入到去都好開心, 因為又多嘢賣, 行得又舒服.

今次最有驚喜既收穫, 就係買番啲冬陰公味既湯粒, 以前莎拉係加拿大既時候, 好鍾意用嚟整"冬陰公雜菜粉絲煲", 所以今次要大手入貨. 而另外謝菲就搵到以前食開既Microwave popcorn, 之前我地係香港搵咗好耐都搵唔到, 哈哈哈, 居然俾我地係曼谷買到呢.

買到一袋二袋之後, 就去水門街個邊食雞飯啦, 真係每次嚟曼谷既指定動作呀!

上次見啲本地人會分開叫一碟雞, 所以今次食就識得單叫一碟雞+2碟飯啦, 因為咁樣叫就可以食多啲雞, 唔會好似淨叫碟頭雞飯咁, 食到吊晒癮! 2個人埋單都只係270Baht, 真係抵食又好味!

食飽之後, 就搭BTS返酒店放低啲戰利品, 出發去我地十分期待既Divana Spa!!!