曼谷泰開心生日之旅-Day 3(中)

攞住啲JJ Market戰利品, 就快快閃番酒店擺低啲嘢, 因為4pm book咗個spa呀! 全日只係一早食咗個早餐, 所以返完酒店都2pm, 都肚餓啦. 莎拉又再一次挑戰自己既自由行功力, 又走去冒險搵嘢食! 之前睇個啲旅遊雜誌, 介紹係Victory Monument附近有啲專賣"9Baht"既超細size湯粉鋪頭, 個個食客都會食到啲碗係"一楝楝", 好搞鬼, 所以想試一試呢.

Victory Monument BTS站原來係非常之多人架, 而眼見買車飛及唱散子既人龍都好長. 沿住一條好長既架空天橋行真係好多人好熱鬧, 一路行就會見到民主記念碑.

跟住一個好簡單既指示, "一口粉"麵檔應該係在Fashion mall後面, 但係我行咗成個圈都搵唔到呢,,,,點解呀,,,又失敗啦!!!!望一望錶, 時間都唔早啦, 是但走入一間似樣啲既餐廳食嘢先啦.

又係誤打誤撞, 呢間餐廳好似有steak食架, 哈哈哈!!!!

餐廳埋面既待應一啲英文都唔識, 連個menu都係全泰文, 我地就指住個menu既其中兩張湯麵既相落order啦, 點知個待應係咁keep住同地講泰文(應該係問緊我地問題), 今次真係雞同鴨講啦, 好彩係呢個時間, 隔離檯有個泰國後生仔, 同我地用英文翻譯, 原來待應係問我地要大size或細size!!!! 咁我地就order細size先啦, 因為驚大既真係好人碗呢. 嘩,,,,碗細size15baht既麵嚟到, 真係baby size呀!!!!!!!攝牙罅都唔夠呀!!!

(我仲見到隔離檯好似有人笑緊我地呢!!!!)

拿拿聲叫番碗大size既先得呀! 你睇謝菲對住2碗不同Size既麵既反應就知我地當時"O"晒嘴啦!!!

食飽就好出發去Phrom Phong BTS站既Let's relax spa啦!!!

呢間Let's Relax Spa(泰有營專題: 全新豪華版 Let's Relax)  都係一個唔錯既選擇, 我之前係布吉及芭堤雅都有試過, 所以今次係曼谷, 就試埋呢間分店啦.

我地Book咗個2hr45min叫Full Spirit既spa treatment (Foot Reflexology 45min+ Body Scrub/Body Wrap 1hr+Aromatherapy Oil Massage 1hr), 之前係香港出發前已經book定及俾埋online payment, 所以原價係2000baht/person就可以有15% off, 兩個人都係3400baht, 就可以歎番2hr45min, 真係都好抵!

雖然話就話係Phrom Phong 站, 但係其實係好遠架, 千其唔好諗住行. 所以一出BTS站既1號出口, 向前行應該就係Soi 39街, 係街口左邊附近有間叫Coca Restaurant既餐廳, 門口有Tuk Tuk搭, 去Let's Relax spa約40-50baht. 一上到tuk tuk就又落狗"A"啦, 真係好大雨, 好彩上咗車咋!!!

一入到去就會座係reception既位置, 先揀選body scrub及massage oil, 呢度既服務員當然無Divana果邊咁細心慢慢同你一一介紹, 而笑容同樣係欠奉!!!! (btw, 如果係之前已經係做咗payment, 記住print out番張receipt出嚟, 因為當日佢地都知我原來已經俾咗錢, 就問我攞receipt呢, 好彩有帶咋)

揀完嘢, 就座番抵, 飲番杯香矛凍飲先!!!

呢個時候, 個按摩技師就帶我地入房同叫我地沖涼, 係呢個時候, 我同謝菲都非常之疑惑, 因此之前係布吉及芭堤雅時, 我地都係揀同一個spa treatment, 但係就係先做腳底按摩, 之後先做Body果part.

房內既裝修普普通通, 沒有什麼特別之處, 但係整潔尚可.

沖好涼, "鯨"乾水, 就開始body scrub先啦. 一瞓上張按摩床, eeeee, 暖曝地既, 原來張按摩床有heater架, 所以好舒服呢,,,,呢個真係讚呢,,,,

同謝菲做完body scrub之後, 大家都不約而同覺得, Let's relax既磨砂比較粗呀, 所以有啲粗"鞋"呀, 無Divana果啲磨砂咁細滑. 如果技師太大力的話, 真係會肉痛架.

body scrub之後, 沖完涼, 吓,,,,,房內既檯又兩碟芒果糯米飯!???

無理由係中途食芒果糯米飯架喎, 每次都係做完晒所有treatment先食架?!!!! 係我同謝菲好迷茫之制, 個按摩技師就敲我地個房門, 同我地講"eat mango rice!!!"

兩條友就著住件浴袍食芒果糯米飯啦, 真係好搞鬼, 不過我覺得呢個安排就真係麻麻地, 應該係做完晒treatment先食, 咁先嘆架嗎. (後來我問番細妹, 因為佢係一星期前都去過Let's relax, 但係佢都係最後先食芒果糯米飯囉, 所以真係唔知點解我地會係房早早食啦?!!!!)

而之後推油及按摩既手勢都唔錯, 以呢個價錢都真係幾好.

到最後就係早腳底按摩, 嘩,,,張皮既座椅真係舒服到震呀,,,,唔鐘意做spa既朋友, 就算只係做個腳底按摩都係一個幾好既選擇呢. 唔覺唔覺, 自己都係腳底按摩期間瞓著咗呢, heehee!

話咁快, 2hr45min既spa treatment就做完呢, 雖然整體嚟講, 佢未必有Divana咁正, 但係overall都係一個唔錯既又平又正既選擇. 下次去曼谷都會再次幫襯呢.

走既時候, 可以話俾職員知想去邊度及幫手代叫的士架!!!