美女廚神Amanda S.既Pastry shop-Petite Amanda, 自開張以嚟, 一直都想試一試呢位中法靚女既手勢, 究竟係咪真係人又靚整cake又正呢. 佢鋪頭位於IFC, 所以對於莎拉呢個九龍人, 真係有啲唔就腳呢, 好彩細妹咁啱今日行開過IFC, 終於可以會一會Petite Amanda啦.
今次細妹買咗3款(本來想買多幾款試一試, 但放工時候去到就只係賣剩幾款呢, 真係好生意呀), 每件cake既價錢大約要$3X-4X, 係貴過Tony Wong架, 不過係IFC開得鋪, 真係自然租金都唔少嘢, 蛋糕既價錢自然都要貴啲啦. 3件cake既賣相好靚, 未食就已經覺得唔錯啦!
Mille Feuille (拿破崙的酥皮): 買咗返屋企雪咗幾粒鍾, 估唔到都仲好脆呀, 因為曾經試過其他出名既pastry shop既mille feuille, 雪咗幾個鍾之後就已經唔脆啦! Custor既味道唔太甜, 而啲酥皮食完都唔會覺得好肥油膩, good呀!今次細妹買咗3款(本來想買多幾款試一試, 但放工時候去到就只係賣剩幾款呢, 真係好生意呀), 每件cake既價錢大約要$3X-4X, 係貴過Tony Wong架, 不過係IFC開得鋪, 真係自然租金都唔少嘢, 蛋糕既價錢自然都要貴啲啦. 3件cake既賣相好靚, 未食就已經覺得唔錯啦!
Charlotte aux Poires: 呢個係Petite Amanda既招牌貨, 香梨mousse好清新, 味道唔太甜, 所以反而可以特顯香梨既原味. 而內裡既sponge cake好moist, 好味道!!!
Merveille: 另一招牌dessert, 層面與Charlotte aux Poires好相似, 但就變成士多啤梨味, 啲mousse好香滑, 圍邊既蛋糕好軟熟呢, 甜道適中, 食完唔會有飽飽漏漏既感覺, 讚呀!
整體嚟講, 味道都真係唔錯, 最好就係甜道適中, 唔會好肥膩, 真係食完都唔會咁guilty呀!!! 下次有機會行開過IFC, 都要再幫襯試多幾款先得!!!
唔好講好唔好食先....睇見d咁靚既cake就已經開心喇!!! 上次行IFC經過AMANDA間店...都想買GA...但好多人呢....選擇又得返好少...無買到lu....不過價錢真係貴左少少呢....!!!睇見件拿破崙就想食喇~~
ReplyDelete[版主回覆10/21/2011 15:10:08]佢啲cake真係一啲都唔平呀,,我媽咪都係果句"咁貴, 真係可以夠買2餐餸啦", 不過對於我呢啲有2個胃(一邊咸, 一邊甜)既人, 真係貴少少都要試一試呀!!!
見到都想食啦
ReplyDelete[版主回覆10/21/2011 15:11:05]未食就已經覺得"會好好味"呢, 所以賣相真係好重要呀!!!
講開..有次係cwb 南翔...坐 4 個位但分開兩人台果d 呢 ...
ReplyDelete毛坐我對面...久吾久見佢昅下我隔離...初時吾為意...後尾先知原來amanda s 坐左我隔離咋...
嘩...做 model 做到佢幾好胃口..當時佢同賓賓兩個人dinner>..又粗炒又小籠包又盛......羨慕死 ~
[版主回覆10/21/2011 15:14:37]真係又靚, 又Slim, 又食極都唔肥既靚女, 我呢一出世都無可能係咁, 真係真係好妒忌呀,,,,,,>__<
好想食!
ReplyDelete下次去開買一件令自己開心下先~~
[版主回覆10/22/2011 09:54:08]甜品真係有一種既magic, 無論心情幾唔好, 一食dessert心情當堂靚番晒呢,,,
一黎見到個拿破崙酥皮已經好想食(流緊口水中>0<)下個月拉埋屋企人去試下先~~
ReplyDelete[版主回覆10/22/2011 09:57:32]個酥皮真係有驚喜呢, 估唔到番到屋企仲好脆呀...Petite Amanda地方好細呢, 只係得外賣架咋,
哇..咁好買到呀, 我周不時都去IFC搵朋友食飯..但幾次都買唔到, 連我朋友都話次次去到都得包包JA..我都好想食呢~
ReplyDelete[版主回覆10/23/2011 17:51:35]嘩, 原來佢生意真係好得咁勁, 真係估佢唔到呢,,,我仲有好多款Dessert想試呀,,咁下次再去真係要睇自己好唔好彩啦,,,
哎呀, 攪到我心郁郁去試呀!!!
ReplyDelete[版主回覆10/23/2011 17:52:06]如果行開去ifc, 可以試一試架,,,
我又係唔就腳,so far都未試呢~ mille feuille真係好考功夫,睇個樣同你既cm應該唔太差! 必試~
ReplyDelete[版主回覆10/28/2011 14:09:29]最衰就係食啲"林"咗既mille feuillie呀, 所以今次食佢既居然脆, 真係有啲surprise呀!!!