今次係莎拉第一次參加旅行團, 所以就唔係太需要做啲咩功課咁, 只係出發前領導提醒我地要帶足夠既衫(因為高原地方會比較凍, 預計2-3度), 買定啲朱古力及糖(對舒緩高山反應有幫助), 買定一至兩個杯麵(吓, 唔係要食杯麵咁慘呀?!), 最後就係買定支行山杖(因為可以借吓力).
行李話咁快就執好啦. 今次係3人行, 有莎拉, 媽咪及細妹, 參加既旅行社係康泰"九寨溝、黃龍、成都、峨眉金頂、樂山、熊貓繁殖基地三期展區6天團" . 之前報名都估唔到原來9月及10月份既團原來係咁爆同咁貴(真係加多幾千銀可以去馬爾代夫啦), 仲要係好多日子都已經爆咗人數, 真係同朋友同事講個個都唔信呢, 我地呢一團都有23人呀.
出發前2個星期先知搭到時係幾點鍾機, 最後原來我地係呢一團係夜機(19:45)出發呀, 所以其實雖然係6日5夜, 實際就只係5日4夜呀! 去到機場, 搵到個領導搞好晒啲Check-in手續之後, 就早啲入閘揾嘢食啦, 因為今次係搭中國航空, 估都估到飛機餐應該係麻麻地, 所以都係自己打定底穩陣呀.
問媽咪想食咩, 同佢行完成個food court位, 佢都揀唔到, 跟住見到有間Pizza Express, 佢居然話"都好呀, 好耐都無過呢", 哈哈哈, 真係估佢唔到呀, 居然係機場食Pizza!!! 3個人order咗一個pizza, 一個pasta, 一個salad, 真係好正呢, 反而相對係出面食開既Pizza Express又唔係特別貴好多喎, 最重要係座得舒服呀!
好啦, 食飽就上機啦!
中國航空, 莎拉都係第一次搭, 都無咩期望, 都係勢估唔到架機好殘好舊呢, 啲電視絕對唔係在椅背個種, 而係番返去細過時個啲吊係天花個種大大舊電視呢. 架機舊都唔緊要啦, 最慘係delay咗成個鍾至起飛呢, 成班機座滿晒人, 又熱又焗, 真係好難頂呢, 又唔知佢咩事delay喎, 莎拉等等吓都瞓咗!
最後終於係20:45 起飛啦, 望番香港個夜境又真係好靚呢!!!雖然係2.5機程, 但係都有飛機餐Serve, 每個飛機餐都會另外附上一包菜鋪呢, 細妹就要咗牛肉, 莎拉就要咗雞肉, 以下就係我倆係食緊個飛機餐既對話:細妹: 牛肉無牛肉味呢,,,真係唔講都唔知係牛肉!!!莎拉: 你無牛肉味, 我呢個雞肉, 揾完成個餐都係得3粒好似骰字咁大粒既雞丁!!!細妹: 成份餐最好味就係個3片生果啦莎拉: 好彩頭先食咗pizza express, 如果唔係夜啲真係要食杯麵呀!!!
去到成都雙流國際機場攞埋行李都已經係23:30啦, 真係好攰呀!!!! 座旅遊巴去到假日酒店(Holiday Inn) 都已經係00:15, 明早因為要趕早機飛起黃龍九寨溝, 所以明早既morning call 係4:00am!!!!! 無錯係清晨4點呀!!! 沖埋涼都已經係1:30啦, 今次真係瞓一陣(3個鍾都無)就要起身啦!!!
嘩.....咁急趕既!!!!!!! 瞓得個3HRS多D....
ReplyDelete[版主回覆11/14/2011 01:36:17]真係無法呀, 因為要搭6:30既內陸機呀,,,,呢3hr sleeping time真係有瞓等如無瞓呀,,,,超攰
唔係有偏見,不過非常同意好怕坐大陸的airline.....就正如你一樣
ReplyDelete:1)成日delay/cancel flight
2)飛機餐極難食........>_<
真係一o的進步都無!
[版主回覆11/14/2011 01:38:01]極度同意呀, 我真係食咁多飛機餐, 呢個係最難食既一個, 我平時連oriental thai個啲都食得落, 但係呢個中國航空真係啃唔落呢,,,
4:00 morning call?!?!
ReplyDelete[版主回覆11/14/2011 01:38:48]係呀, 我無打錯字呀, 係4am morning call, 因為要趕搭6:30既內陸機呀
跟旅行團一般都好早起身 ! ^^
ReplyDelete[版主回覆11/14/2011 01:39:44]我都知旅行團要早起, 但係我真係無諗過瞓得3hrs, 要4am morning call呢,,,,
嘩~~旅行團咁遲先出發擺明呃錢呀!!!!!不過你媽媽好in呀!!!會話去食pizza勁呀!!!!不過好彩你地係食飽飽先甘機咋~~
ReplyDelete[版主回覆11/17/2011 21:32:40]搭夜機真係無咗成日架, 不過最衰係報團時CONFIRM唔到出發時間呢, 如果知就真係唔揀呢一團呢,,,,真係好彩打底食咗個PIZZA咋, 啲飛機餐真係唔多得呢,,
我都好想去九寨溝呀, 不過只係訓3個鐘我會C架! 唔跟康泰會唔會好d呢?
ReplyDelete[版主回覆11/17/2011 21:34:50]我見有啲團(其他旅行社)就出發個日就搭早機, 咁應該可以會好啲, 不過旅行團好衰架, 出發前2星期先出flight schedule呢,,,
因為九寨溝9-10月係旺季~~影紅葉嘛~~所以係好貴架!!!^^我都好想去~~~風景好靚!!!!
ReplyDelete[版主回覆11/17/2011 23:05:55]真係完全超出我預算呢,,不過你講得好啱, 9-10月係最靚, 所以你如果有機會都要去一去呀, 值得架
嘩, 半夜3更到酒店, 再未日出就morning call, 瞓完仲慘過無瞓 :p
ReplyDelete[版主回覆11/17/2011 23:07:16]真係瞓仲衰過唔瞓呀, DAY 1及DAY2絕對係艱辛既旅程呀!!!
4:00 巳經要起身........@_@
ReplyDelete[版主回覆11/21/2011 00:18:47]我第一次參加旅行團既第一次Morning call===>4am, 真係永遠都記得呀!!!
旅行團真的很趕~ 不過玩得開心最緊要啦~
ReplyDelete[版主回覆11/21/2011 20:30:28]我都有晒心理準備會好趕架啦, 所以都仲頂得順呢,,,同屋企人去旅行真係好開心架,,,
香港夜景真係好靚啊！
ReplyDelete[版主回覆12/04/2011 11:34:23]我諗全世界既夜景, 最靚既一定係香港啦,,,