自己Period都係好準既人, 但係呢個月足足已經遲咗成個星期啦, 心知有啲唔多陀呢. 雖然同謝菲都有諗住生BB, 但係唔係今年呢, 本來係諗住係下年或後年先開始做人.
不過都要用謝菲講呢 "我Period遲咗1星期呢,,,,,俾多幾日時間我呢, 可能無嘢既". 但其實心裡都知有啲自己呃自己!
Week 6
我地拍拖13週年既前夕, 星期五一放工就去買咗支驗孕棒, 返到屋企自己check. 反覆睇咗好多次個instruction, 清楚明白之後就行動啦. 如果有兩條紅線就代表懷孕, 真係10秒都唔駛就見到出現咗2條紅線啦. 當時個心真係有啲離一離, 好忐忑不安, 雖然明知懷孕既機會好大. 但係總係好似未係好接受到. 當謝菲返到屋企, 佢一入門口, 我就講"我有啲嘢同你講呀"未講完呢句說話, 謝菲就講" 你有咗BB". 我一聽到佢咁講就攬住謝菲喊, 喊到收唔到聲
. 謝菲就同我講一定係佢之前俾我既感覺以為佢唔想要BB, 猛咁同我講對唔住, 因為佢俾咗個錯覺我, 佢絕對無諗過唔要BB呢. (莎拉真係傻到無朋友呀!). 我地倆口子都好似一時間唔係好接受到, 不知所措, 要少少時間去消化呢個Big Surprise.Week 7
星期一去家庭醫生度confirm pregnancy, 跟手醫生就俾張醫生轉介信我, 等我可以去醫院排期, 過咗幾日我就拎住張轉介信去廣華醫院排期啦, 莎拉有諗過去私院生, 但睇一睇有關價錢, 真係一啲都唔平呢, 都係唔好諗咁多住, 排咗政府醫院先啦, 如果唔係連位都無呀. 我有咗7weeks都已經去登記, 估唔到政府既產檢要排到week 18先有第一次checking, 真係嚇C人啦!!! (深深睇會到雙非內地孕婦對香港既影響呢)
所以都無諗住靠政府做checking, 都係自己搵私家做產檢呢. Week 8
自從知道有咗之後, 唔知係心裡作用定係真係身體起咗變化, 而家對打邊爐, 牛腩煲既濃味食物氣味好抗拒, 聞到或諗起都想嘔呀! 有時係Office, 有人order下午茶, 聞到啲嘢食味都會嘔呢. 而食嘢就更加無胃口, 明知自己係肚餓, 但係真係食咗嘢就好似頂住頂住, 特別係晚上個餐, 完全唔想食, 就算食都淨係想食菜呢, 好辛苦呀! 而呢個星期, 總共嘔咗4次, 真係前所未有既辛苦呀!!!!
除咗無得好食之前, 仲要戒咖啡呢, 莎拉一向都係咖啡精
, 每日一杯咖啡就一定架啦, 所以呢一段無得飲咖啡既日子真係好難過呢, 有時無得飲都好想聞一聞呀!!!!Week 9
今個星期謝菲陪我去咗睇婦產科醫生陳麗燕, Heehee, 原來BB已經9weeks 5days啦, 身長2.95cm, 第一次聽到"陶寶"既心跳真係好得意好微妙架, 之前聽過有媽咪第一次見到BB時會感動到喊呢, 原來當自己置身其中既時候, 真係會不其然感動到流眼淚呢!!
因"陶寶B"太細呢, 所以陳醫生要用陰道超聲波照BB, 穩約仲見到BB既手仔同腳仔, 好得意呢.
張想影到陶竇B好似小魔怪咁, 好CUTE呀!!!!
祝小B 快高長大~! 你個肚有無大左呀?
ReplyDelete[❤木木子❤回覆01/31/2012 15:43:06]可能係仔仔呢~ 陀仔慢D 見肚架~!
[版主回覆01/31/2012 13:53:57]唔係呀, 小林太, 我而家15weeks啦, 都唔係好大肚咋, 所以下次覆診要問問醫生先得呀!!!
[bubibu*回覆01/31/2012 13:32:05]9weeks未見肚都好正常啦~ wish you a happy pregnancy period!
[版主回覆01/31/2012 13:11:45]多謝木木子呀!!!! ^o^ 我個肚真係唔多大呢, 唔講都唔係好覺有BB, 都唔知係唔係正常呢?!!!!
莎拉，我睇到眼濕濕呀，真的好感動，加油，辛苦都是值得的！
ReplyDelete[版主回覆02/02/2012 20:24:31]艾利絲, 陀BB真係比我想像中辛苦呢, 不過幾辛苦, 我都要加油架!!!!!
張相好得意, 好似粒公仔咁呀~~2.95CM, 好細好細呀~~
ReplyDelete[版主回覆02/02/2012 20:26:33]小小, heehee, 呢張想真係影得佢好得意呀, 兩隻手好圓姑轆, 好搞鬼呢!!!! ^o^
我諗你同老公WEEK 6 時真係又驚又喜呀~~~不過開心事....緣份黎到抗拒不了嘛!!!! 莎拉...要好好保重....陶寶B好快大隻仔/囡喇!!!
ReplyDelete[版主回覆02/02/2012 20:28:33]菲, 你講得好啱呢, week6既時候真係驚多於喜呢,,,,不過真係好似6合彩slogon, 真係"話嚟就嚟", 避都避唔開呀!!!!
好感動呀!!!記得要保持心境開朗呀!!!!
ReplyDelete[版主回覆02/02/2012 20:29:31]知道呢, bird bird!! 我conitnue做傻更更既mom-to-be!!!! ^o^
恭喜你呀，同我一樣，龍ｂ ｗｏｒ， 大家分享下呀，你預產幾時？？
ReplyDelete[小beebee回覆02/03/2012 17:36:48]莎拉,我都一起加油,支持,希望"陶寶B"&小小bee健健康康!!! 大家互相交流,分享!!!
[小beebee回覆02/03/2012 17:36:14]我已經20week 啦,明天4/2去第4次私家產檢先知道係仔/女,我book QE 生呀!! 之前因為皮膚有敏感先check得咁密,其實係睇醫生....now 正常都係4星期先覆診!!! 係呀,now我個肚5個月已經36"啦,其實唔知道咁小小bee係唔係大,都係明天問問醫生,另外我6/2去照結構,希望小小bee一切正常,因為其實我呢個mom-to-be今次都係有啲意外,係18/11擺酒時原來已經有小小bee 2個月,自己period唔準,發現唔到,竟然到成3個幾月先發現小小bee存在呢,hehehehe,好彩都ok,不過now最希望都係6/2去照結構小小bee一切健康正常,因為我無好似其他mom-to-be 咁好好ready 個身體比小小bee所以都有d 驚&擔心小小bee嘅健康, 好明白為人母親個份心情,只要bb健康,自己點付出都可以!!! 莎拉,我都一起加油,支持,希望"陶寶B"&小小bee健健康康!!!
[版主回覆02/02/2012 20:33:42]小beebee, 我預產期係7月23日呢, 你個bb同我個bb相差一個月呢, 我呢個mom-to-be今次都係有啲意外, 所以真係好多有關懷孕及bb既info一無所知, 而家先嚟臨急抱佛腳咋,,我都要係你個blog度偷吓師先ok呢,,,^^
好感動呀...
ReplyDelete[版主回覆02/02/2012 20:34:19]真係身處其中會好touching呢,,,,
7w先排政府? 好遲架喇…
ReplyDelete9w5都要用陰超?
[小藍回覆02/04/2012 14:18:36]你返廣華同佢講你做左早期, 佢應該會安排你照一次超聲波, 可能可以睇埋性別
[版主回覆02/04/2012 11:10:01]係呀, 我自己出去私家做OSCAR, 因為廣華只排到中期OSCAR俾我, 你都知中期OSCAR唔夠早期準啦, 所以唯有自己出去做呢,,,
[小藍回覆02/02/2012 23:41:54]正常應該6w就可以照肚~你自己做左oscar喇馬~
[版主回覆02/02/2012 22:05:15]而家排到wk18先做做中期oscar及 wk21先做第一次產檢咋,,真係好鬼c遲呢,,,
部機係咪舊我就唔知啦, 因為第二次去做oscar test時就唔見有咩問題啦,,,
[小藍回覆02/02/2012 20:48:43]產檢其實就唔係好多, 我4w去都係16w先見第一次, 不過就有早期oscar
會唔會佢部機舊?
[版主回覆02/02/2012 20:37:34]ai~~~~自己衰鑼, 成week6先去驗孕, 所以咪咁遲呢,,,,搞到廣華排俾我既產檢排到好後期先有呀,,,
我個日9w5去私家時, 醫生試用普通超音照, 但係唔多清楚, 所以先用陰超呢,,,我都係第一次用咋,,,,
"我一聽到佢咁講就攬住謝菲喊, 喊到收唔到聲"......見到你哩句好感動呀....你老公咁鍚你...擔心乜哩...傻豬準媽媽, 保重呀....哈,你上次仲吃雪糕蛋糕...果陣有未架....? 不過個個都話未有唔洗戒口的啊..所以我而家都解放返自己呀
ReplyDelete[版主回覆02/08/2012 20:13:07]shelley, 呢個陶寶B真係一個Big surprise, 所以當時真係有啲接受唔到呢, 不過都係一件開心事, 我會加油架啦!!
我食雪糕蛋糕個時仲未有bb, 但係我有咗既時候(唔知自己有咗), 仲去咗九寨溝, 又飲過酒, 又食過麻辣火鍋, 真係食晒啲唔好既嘢, 不過好多人都話唔緊要, 對bb影響唔大, 之後唔好食就ok啦, 所以你都可以放心去食呢, 唔駛特登去戒口架!!!!
吓．．．．政府第一次ＣＨＥＣＫＩＮＧ都要去到１８ＷＥＥＫＳ先開始，有冇搞錯呀！！
ReplyDelete同埋政府ＣＨＥＣＫＩＮＧ始終冇私家醫生咁詳細，一路私家／政府兩邊ＣＨＥＣＫ比較好架！！
記住政府醫院有ＢＢ講座，記得一定要報名，對新手爸爸媽媽有幫助架！！
[版主回覆02/14/2012 23:12:23]係呀, 而家政府啲檢查真係遲得好過份呢, 不過唔知係咪廣華先係咁呢?!!!我見其他mom-to-be book其他醫院都無咁離譜架. 不過我都一早預咗私家/政府兩邊睇架啦. 我都諗住報政府醫院ＢＢ講座, 但係廣華個邊要係第一次產檢之後先可以book呢, 真係俾佢激c呀....