第一次正正式式去廣華做產前檢查, 經過上次係廣華得咗個半鐘既經驗, 所以今次有晒心理準備, 起碼都要搞成2-3個鐘啦.
Appointment係10:15am, 去到真係人山人海, 我諗都有成30-40位孕婦, 但係估唔到又好快喎, 10:20已經叫名磅重, 度高及驗小便(記住要自己留起早上既小便之後帶埋嚟呀). 之後姑娘仲俾咗本"產科護理手冊"(我諗因為產前講座好難book, 所以先會有呢啲書仔派呢)
跟住就去抽血啦. 抽血既姑娘都唔惡, 仲幾nice呢, 大肚婆又jacket又手袋, 真係一抽二"lung"呢, 所以佢仲好細心咁幫我掛埋個手袋係頸, 唔好心急呀.
座咗一陣, 10:45am就叫我名入去見醫生啦. 呢位女醫生真係好後生, 成個"On Call 36小時"啲houseman咁款, 不過真係cool到爆, 一路對住部電腦問我病曆, 但係佢講嘢真係好"lur", 好似個口有舊飯咁, 好難聽得清楚佢講咩嘢. 之後就叫我瞓上床檢查, 仲以為有超聲波照, 點知原來係啲舊式方法檢查, 只係用心跳機聽BB心跳咋, 之後就用聽筒聽埋我心跳, 咁就完成成個檢查啦. 11:00am就已經搞掂晒, 真係仲快過我平時係私家做產檢呢. 臨走前仲排埋下次既產檢及乙鏈檢查既期呢.
係醫院出面大門口, 就有好多阿姐問你Join咗啲BB會未, 未就可以填form, 之後就有啲小禮物架啦. 莎拉就一口氣填咗5份form, 包括Huggies, disney, 美讚賢, 雀巢及雅培, 啲小禮物都幾實用呢.
Appointment係10:15am, 去到真係人山人海, 我諗都有成30-40位孕婦, 但係估唔到又好快喎, 10:20已經叫名磅重, 度高及驗小便(記住要自己留起早上既小便之後帶埋嚟呀). 之後姑娘仲俾咗本"產科護理手冊"(我諗因為產前講座好難book, 所以先會有呢啲書仔派呢)
跟住就去抽血啦. 抽血既姑娘都唔惡, 仲幾nice呢, 大肚婆又jacket又手袋, 真係一抽二"lung"呢, 所以佢仲好細心咁幫我掛埋個手袋係頸, 唔好心急呀.
座咗一陣, 10:45am就叫我名入去見醫生啦. 呢位女醫生真係好後生, 成個"On Call 36小時"啲houseman咁款, 不過真係cool到爆, 一路對住部電腦問我病曆, 但係佢講嘢真係好"lur", 好似個口有舊飯咁, 好難聽得清楚佢講咩嘢. 之後就叫我瞓上床檢查, 仲以為有超聲波照, 點知原來係啲舊式方法檢查, 只係用心跳機聽BB心跳咋, 之後就用聽筒聽埋我心跳, 咁就完成成個檢查啦. 11:00am就已經搞掂晒, 真係仲快過我平時係私家做產檢呢. 臨走前仲排埋下次既產檢及乙鏈檢查既期呢.
係醫院出面大門口, 就有好多阿姐問你Join咗啲BB會未, 未就可以填form, 之後就有啲小禮物架啦. 莎拉就一口氣填咗5份form, 包括Huggies, disney, 美讚賢, 雀巢及雅培, 啲小禮物都幾實用呢.
你有無做私家產檢??
ReplyDelete[版主回覆03/16/2012 11:41:10]有呀, 自己係出面都定期搵私家產檢呀, 因為只靠政府真係唔多放心呀!
我冇呢本手冊既? 同埋未試過咁快搞掂…=.= 上次9:20去10:20走得, 不過醫生10點先開工…我第一個都搞成個鐘…你入唔入倒助產士小組呀?
ReplyDelete[小藍回覆03/22/2012 19:42:54]我都係上次聽倒姑娘講先知, 不過我已經唔駛再覆診喇… 我去咁多次只有第一次大堂有播野, 仲係產前運動講座播o個段片…
[版主回覆03/22/2012 19:40:56]咩原來可以要求下次Appointment 早啲架, 唔講真係唔知呢. 我諗vcd既內容應該同係大堂播既一樣呢..
[小藍回覆03/20/2012 19:53:45]E?我有VCD喎, 不過未睇…原來依家變左小冊子?
[小藍回覆03/20/2012 10:58:38]冇得request架，入左佢會話你知第二次開始見助產士，你見醫生的話可以要求下次覆診時間約早啲咁就唔駛等咁耐
[李太.大頭蝦回覆03/20/2012 10:51:10]每次產檢吾曬好似大堂甘排隊排餐c,佢地會幫你做產檢,如果發現你有問題,再pass俾e生跟進,佢地會跟埋你入產房協助你生bb,生完會教你餵奶,換片果d
[版主回覆03/19/2012 21:20:15]我見之前有blogger仲話有產前vcd添呀. 我都係見醫生咋, 如果入助產士小組係咪自己request架?! 同埋有咩好處呢?!
[小藍回覆03/18/2012 17:31:26]冇呀我見醫生
[李太.大頭蝦回覆03/17/2012 10:35:51]我入左呀(助產士小組),你地有無入??
我都冇呢本手冊呀～
ReplyDeleteB鏈期都無俾我wor, 幾多week驗ga??
[Karen回覆03/23/2012 11:18:15]Tks ar 小藍~~ 期待見到丁叮呀,,,
我上次飲完糖水唔pass要去one day camp, 點知篤兩次手指有一次fail,要入院住一晚,對面o個兩個媽媽都搞左成日都未生得, 其中一個要塞藥催生~ 不過d姑娘都好好人呀~~
[小藍回覆03/22/2012 19:44:29]可能早o個d先會同你排期, 周數大既唔駛排, 到期入房就順便驗, 我o個時都唔駛另約, 只係話下次返黎驗, 到左36w就話今日o岩o岩好可以驗就順便驗埋喇~36w後應該一星期一次, 即係karen36w幾應該會驗架喇唔駛擔心
[版主回覆03/22/2012 19:34:37]咁廣華真係好奇怪呢, 我而家WK23, 但都已經早早排到 B鏈個期俾我呢,
[Karen回覆03/22/2012 13:30:56]我都係廣華ga....佢無俾期我呀...下次檢查都35week幾la....>.<
[版主回覆03/19/2012 21:22:19]你係咪廣華醫院架? 我見個日啲姑娘係咁派俾啲mom-to-be呢.
佢排到差唔多wk36驗B鏈期
我9:15左右去到,成12點幾先走得.
ReplyDelete今次姑娘我都覺得好好,抽血抽得好靚,上次唐氏抽到我隻手瘀左成個月
[李太.大頭蝦回覆03/20/2012 10:48:17]因為我join左助產小組,等佢地解釋,所以耐左.
你有無join?
[版主回覆03/19/2012 21:25:16]嘩,,,,咁你真係等咗好耐呢, 我初初都預咗等幾粒鐘, 點知唔洗, 真係估佢唔到呢. 好彩抽血姑娘nice呢, 如果唔係一路抽血真係驚呀.
威院都冇呢本手冊派和乙鏈檢查. toooooooo bad ><
ReplyDelete[版主回覆03/19/2012 21:26:31]呢本手冊你廣華自己印呢, 可能你遲啲都會排乙鏈檢查個期俾你呢, 因為乙鏈檢查要去到wk36先做架