陶寶B出世後, 啲皮膚真係滑"LU LU", 好似雞蛋咁滑呀. 不過到咗陶寶B大約3星期時, 面仔及額頭就開始出現啲紅點粒粒, 初頭就得幾粒, 所以都無咩點理佢, 因為以為係奶癬, 所以只係諗住食奶後抺乾淨面仔啦.
點知啲粒粒越生越多, 成塊面仔及額頭都滿佈紅粒, 好似生暗瘡, 搞到面豬仔紅晒, 一"達達", 好肉酸呢
, 最後仲係頸都出埋瘡仔呢, 雖然呢啲粒粒唔痕, 但係莎拉同謝菲好擔心
, 因為唔知係咩原因, 於是上網就開始search吓呢啲係咩嘢, 因為有人話係奶癬, 又有人話係濕疹, 有啲人又話係熱氣, 而有啲就覺得係食既奶粉敏感, 真係N咁多個原因.
最後發現原來呢啲叫"新生兒痤瘡" (Neonatal Acne), 大部份既初生BB都有, 大約3星期開始出現, 維持約到3個月就無架啦, BB出呢啲暗瘡係成因係懷孕期間，媽媽荷爾蒙經胎盤傳畀BB ，令BB 荷爾蒙失衡而生暗瘡 (唔通呢啲就係胎毒唔清??!!
), 但係緊記唔好唧唔好搞啲暗瘡, 佢地會自己慢慢好番, 唔需要特別睇醫生或搽藥. 而莎拉一個月時帶陶寶B返健康院時, 姑娘都話呢啲係"新生兒痤瘡", 唔需要擔心, 但係如果越嚟越嚴重的話, 就可以自己帶佢睇醫生.
雖然唔需要特別點樣理佢, 但係見網上有媽媽教用金銀花煲水(藥材鋪有得賣)或者莞茜煲水沖涼都可以改善生粒粒問題, 莎拉見煲水沖涼都無壞, 所以金銀花同莞茜都試一試啦! 試咗幾日之後, 唔知係煲水沖涼真係有效或者係咁啱得咁蹺啦, 用咗金銀花沖涼幾日之後, 啲紅粒粒真係"謝咗"及開始慢慢退呢.
所以莎拉就由陶寶B3星期開始到而家6星期都一直Keep住用金銀花煲水幫陶寶B沖涼. 而金銀花與莞茜兩者比較, 莎拉覺得金銀花好似Work啲, 因為試過用莞茜水沖涼幾日後, 啲粒粒好似又多番呢. 而家陶寶B個面仔已經好番好多, 雖然無有明顯粒粒, 但面仔就仲係"鞋鞋地"呢. 希望陶寶B塊面仔可以快啲變番滑"LU LU"啦!
"新生兒痤瘡" (Neonatal Acne)相關資料:點知啲粒粒越生越多, 成塊面仔及額頭都滿佈紅粒, 好似生暗瘡, 搞到面豬仔紅晒, 一"達達", 好肉酸呢
, 最後仲係頸都出埋瘡仔呢, 雖然呢啲粒粒唔痕, 但係莎拉同謝菲好擔心, 因為唔知係咩原因, 於是上網就開始search吓呢啲係咩嘢, 因為有人話係奶癬, 又有人話係濕疹, 有啲人又話係熱氣, 而有啲就覺得係食既奶粉敏感, 真係N咁多個原因.最後發現原來呢啲叫"新生兒痤瘡" (Neonatal Acne), 大部份既初生BB都有, 大約3星期開始出現, 維持約到3個月就無架啦, BB出呢啲暗瘡係成因係懷孕期間，媽媽荷爾蒙經胎盤傳畀BB ，令BB 荷爾蒙失衡而生暗瘡 (唔通呢啲就係胎毒唔清??!!
), 但係緊記唔好唧唔好搞啲暗瘡, 佢地會自己慢慢好番, 唔需要特別睇醫生或搽藥. 而莎拉一個月時帶陶寶B返健康院時, 姑娘都話呢啲係"新生兒痤瘡", 唔需要擔心, 但係如果越嚟越嚴重的話, 就可以自己帶佢睇醫生. 雖然唔需要特別點樣理佢, 但係見網上有媽媽教用金銀花煲水(藥材鋪有得賣)或者莞茜煲水沖涼都可以改善生粒粒問題, 莎拉見煲水沖涼都無壞, 所以金銀花同莞茜都試一試啦! 試咗幾日之後, 唔知係煲水沖涼真係有效或者係咁啱得咁蹺啦, 用咗金銀花沖涼幾日之後, 啲紅粒粒真係"謝咗"及開始慢慢退呢.
所以莎拉就由陶寶B3星期開始到而家6星期都一直Keep住用金銀花煲水幫陶寶B沖涼. 而金銀花與莞茜兩者比較, 莎拉覺得金銀花好似Work啲, 因為試過用莞茜水沖涼幾日後, 啲粒粒好似又多番呢. 而家陶寶B個面仔已經好番好多, 雖然無有明顯粒粒, 但面仔就仲係"鞋鞋地"呢. 希望陶寶B塊面仔可以快啲變番滑"LU LU"啦!
https://www.johnsonsbaby.com.tw/knowledgebase_artical.php?kid=24
http://www.fhs.gov.hk/tc_chi/health_info/class_topic/ct_child_health/ch_newborn_nb4.html
真係好左好多喎~~
ReplyDelete有個好媽媽, 陶寶B 好快就好返嫁啦~~
[版主回覆08/12/2012 10:01:01]見到佢塊面仔一達達, 真係心痛C呢, 希望佢快啲好番啦
淘寶b會好多變番滑滑既皮膚！！
ReplyDelete[版主回覆08/12/2012 10:02:32]希望快啲做番個滑lu lu baby啦
陶寶 B 好似成日都好好瞓 :)
ReplyDelete[版主回覆08/12/2012 10:05:16]heehee, 陶寶b真係好鍾意瞓覺豬架, 平均每日都瞓成18hr!!!
金銀花係因為清熱毒所以ok呀!!!我個friend個時用d薄同大塊既化妝棉浸濕佢同佢fu mask呀!!!都ok架~~~
ReplyDelete[版主回覆08/12/2012 10:07:58]金銀花沖涼真係唔錯, 我見有啲媽媽由bb出世一開始就用金銀花沖涼添
莞茜煲水 應該係對付濕疹架~
ReplyDelete之前聽講座都有兒科醫生話 D 粒粒會慢慢自己退~~ 唔駛咁擔心~
陶寶B好快又變返滑 "LuoLuo"
[版主回覆08/12/2012 10:08:23]係啦, 希望到咗百日宴時會返滑 "LuoLuo"啦, 到時唔好咁肉酸影相呀嗎,,,
tarebaby 而家都成面粒粒呀, 之前睇forum 都有見d mama話用金銀花煲水沖涼, 但係之後完全冇左件事!!!
ReplyDelete多謝你提醒呢~ 今日我都同tarebaby 用金銀花水洗左面, 希望d 粒粒唔好咁嚴重啦.
btw, 之前我去健康院時問姑娘, 佢話個個bb 都係咁嫁啦, 唔好塗藥膏, 多d 保濕同keep 住剪指甲就ok 嫁啦, 因為驚抓損, 可以做個參考呢~
[Tareworker回覆08/15/2012 16:56:37]明白啦, 如果情況持續, 我會帶tarebaby 去睇醫生嫁呢, 唔該晒呀!!!
[版主回覆08/15/2012 16:55:36]佢當時都有甩皮架, 不過如果真係唔放心, 就帶佢睇睇醫生!
[Tareworker回覆08/15/2012 16:31:39]而家tarebaby 塊面好紅呀, 範圍都算大呀, 結蕉又甩皮, 琴晚仲自己整損左3達, 我驚咁既情況唔係正常呀...
[版主回覆08/14/2012 21:34:39]淘寶B都係生係額頭, 面珠兩邊, 仲係頸對落心口位置都有啲粒粒. 初其啲粒粒係白點周圍係粒紅色, 之後啲紅色就會越嚟越大達, 之後謝咗就會開始無咁紅, 不過塊面仔啲紅會成個星期先無晒. 啲紅色退晒之後, 塊面仔都仲會好"鞋", 而家陶寶B塊面雖然沒有紅啦, 但都仲係"鞋鞋地"架.
[Tareworker回覆08/14/2012 17:36:01]TareBaby 塊面而家結"蕉"同甩緊D"蕉", 不過結蕉既地方係紅色嫁, 而且係一"達" 紅色咁, 我想問下係咪好之前會係咁嫁? TAREBABY 個身係冇嫁, 只係塊面有, 之前係一粒粒紅色突起的, 我見淘寶B張相塊面冇咁紅色既... 有D 擔心添...
[版主回覆08/12/2012 10:11:23]我初時見到佢生到成塊面都係真係好擔心呢, 不過好彩佢唔痕又唔痛, 而家慢慢退緊...
tarebaby而家塊面仔點呀? 好啲未呀?! 同bb剪指甲真係好難呀, 好驚剪到佢呢, 所以我都係同佢挫指甲代替剪呀
可能真係胎毒黎~~~~
ReplyDelete莎拉咁點先可以把胎毒清好d 呢??
[小beebee回覆08/23/2012 17:09:31]touchwood 咁講我bb d 皮膚ok, 係發係我度嚴重d囉!!
[版主回覆08/12/2012 10:14:47]其實我都有食西瓜, 芝麻糊, 白蓮髲, 腐竹糖水, 不過佢都係會出粒粒, 所以都唔知點樣先可以將胎毒清得好d呢
我聽姑9講好多真係大部份既初生BB都有
ReplyDelete我又學到野，到時LITTLEBALL生粒粒我一於用金銀花先～
[版主回覆08/12/2012 10:16:28]而家見好多媽咪都係話好多bb都有出, 不過分別在於出既時間長定短, 我見有啲媽媽由bb出世沒有出粒粒都會開始用金銀花沖涼, 不過都係用嚟沖涼都無壞架
金銀花原來咁有用架?! 真係唔講唔知~
ReplyDelete[版主回覆08/12/2012 10:17:39]如果唔係bb出粒粒都唔知金銀花係寶呀!!!
又真係好紅喎
ReplyDelete[版主回覆08/14/2012 15:06:38]影相已經無咁紅架啦, 真人仲紅啲呀!!!
你好呀。。我個baby 都大紅大有這個問題。請問每次用幾多金銀花？
ReplyDelete[版主回覆08/19/2012 20:21:14]我每次大約用一個拳頭咁多既金銀花煲一大煲水,
太陽b塊面都係禁,到現在兩個半月都仲有
ReplyDelete我BB都係紅晒起粒粒，今日發現仲有少少膿，我好擔心，要不要看醫生？之前我用金銀花full面都work, 不過今次又晤得，用來冼澡真有效嗎？
ReplyDelete[版主回覆03/02/2013 09:55:18]你BB幾大呀?! 我當時BB啲粒粒都係有少少膿架, 好似暗倉咁, 我KEEP住用金銀花沖涼後慢慢好, 如果你BB試沖涼幾日後都係咁, 仲愈來愈犀利, 睇吓醫生安心啲