陶寶B未出世時已決定餵母乳, 因為母乳係最適合及最好既營養給BB, 而呢一份同樣係媽咪俾BB既最好禮物. 但因為之後返工既不便(莎拉既工作係男人既世界), 極之唔方便泵奶, 所以本身都係打算餵2個月或直至沒有足夠既母乳便算.
但係原來唔係你想餵母乳就有得餵母乳, 之前以為生完BB後有母乳係好自然既事. 雖然一早已知道要盡快埋身餵以便可以上奶既呢個道理, 但係因為莎拉開刀生BB, 而陶寶B出世後就立即送咗去兒科病房佢觀察, 所有最後要係BB出世後差唔多48小時後先試第一次餵奶, 而之後要再過12小時先餵第二次, 所以莎拉一直都無谷奶既現象 (唔知係咪太遲餵及太耐先餵而影響奶量?!!!)
但係原來唔係你想餵母乳就有得餵母乳, 之前以為生完BB後有母乳係好自然既事. 雖然一早已知道要盡快埋身餵以便可以上奶既呢個道理, 但係因為莎拉開刀生BB, 而陶寶B出世後就立即送咗去兒科病房佢觀察, 所有最後要係BB出世後差唔多48小時後先試第一次餵奶, 而之後要再過12小時先餵第二次, 所以莎拉一直都無谷奶既現象 (唔知係咪太遲餵及太耐先餵而影響奶量?!!!)
回家後, 已開始餵密啲, 但係成績都係唔多好, 所以就開始試吓不同既方法去增加奶量. 例如每日已經飲6碗魚湯, 飲鮮奶, 早午晚三餐都食飯, 飲豆漿, 飲黑豆焗水.......但係唔知咩原因, 好無奈依然成績都唔多好, 因此莎拉已由當初既堅持及介意, 自我心裡調整同自己講"唔緊要啦, 已盡力, 有幾多就餵幾多啦, 雖然唔足夠俾佢當main course, 咁咪當俾佢食appertizer或dessert囉!!!"
仲有幾日莎拉就要返工啦, 而家好珍惜每一次埋身餵陶寶B既時刻, 因為望住佢食奶既時候, 佢既一臉滿足及食得好有安全感既表情, 真係好sweet!!
莎拉相信呢個餵母乳既溫馨時刻係上天特別給予媽媽們, 以便報答媽媽們辛苦揍BB既回報!!!
陶寶b個樣好爽好冧呀!!!!
ReplyDelete[版主回覆09/02/2012 20:18:32]媽咪抱住食媽媽奶梗係冧啦
我都決定餵母乳,但都驚吾夠BB食!
ReplyDelete[版主回覆09/02/2012 20:20:53]最緊要放鬆心情，多啲休息同食得好都對餵人奶有幫助，加油呀!
聽講demend and supply 的道理. 不過都係盡力而為吧, 加油!!
ReplyDelete[版主回覆09/02/2012 20:23:23]我都知道要餵密啲先可以刺激母乳，不過唔知點解成績都係麻麻
v盡力便可以
ReplyDelete[版主回覆09/02/2012 20:24:48]係呀，我都已經算數啦，希望BB明白啦
係呀，真係好sweet嫁！！
ReplyDelete[版主回覆09/02/2012 20:27:01]抱住佢餵人奶真係好開心!!好想留住呢一刻
我都唔敢比自己太大壓力, 盡左力就算啦.
ReplyDelete[版主回覆09/04/2012 17:52:03]無錯呀，BB及家人會明白的，最緊要做個開心媽媽
盡左力就可以喇.....唔好有咁大壓力呀!!!
ReplyDelete[版主回覆09/04/2012 17:55:48]係呀，如果太大壓力都會影響自己情緒，所以都係自己盡力便算
無錯呀，盡力就得了！
ReplyDelete[版主回覆09/04/2012 17:57:13]最緊要bb健康ok，所以既然已盡力便可以
補奶粉 + 埋身餵?
ReplyDelete我之前都有補奶粉俾小跳豆呀....跟住佢就唔肯再埋身食了
[版主回覆09/14/2012 10:46:56]我用 Chu Chu 奶咀，同樣要佢自己用力啜先有得食，所以可能比較接近番平時食母乳咁，所以可能咁樣原因，佢兩樣都食呢