5th month成長之路

體重及身長:呢個月未有機會上磅, 所以都唔係好知陶寶B呢個月既增長係幾多, 不過莎拉相信應該係在生長線上平均增長. 上個月賣俾陶寶B既衫仔( 9M 既 size), 而家都已經啱啱好啦, 睇嚟莎拉都又有reason去濕平, 係時間出手買定啲12M既衫仔啦!!!!食量:今個月都仲係食5-6oz奶, 不過而家陶寶B食奶時就愈來愈扭計, 有時掛住玩, 有時就掛住睇電視, 最犀利係有時想同人講嘢唔肯食奶, 好鬼C心散, 所以好多時都要熄咗個電視機, 煩事陶寶B心野呀!!! 有啲媽媽會係5個月倒就開始俾BB食米湖(健康院就話6個月), 而莎拉都唔知好唔好開始, 不過最後都係決定遲多兩星期先開始啦, 橫掂張High chair都未攪掂呢.
活動能力:- 而家自己已經可以成功轉身及撐起身 ,不過隻手隻有時都唔係好識得自己伸出嚟, 搞到自己壓住隻手, 所以都仲係要幫一幫佢
- 可以係sofa自己座一陣, 但座座吓都係會向下sir, 未係好穩震. (莎拉想買張bumbo chair, 但唔知會唔會太遲, 好快唔啱用呢?!!) - 成日"eeaa"同人講嘢 ,每次見到有人對住佢講嘢或唱歌仔, 就會好開心笑
- 好鐘意食手指, 有時1隻, 有時成4隻一齊食(好似香蕉咁), 仲要有時陰啲陰啲連埋條口水肩一齊食, 真係無佢收呀!
- 近來最鍾意就係照鏡, 一見到自己個樣就奸奸笑(傻豬嚟架!) - 抱住佢搖搖吓就仲會"kaka"聲笑得好開心. - 最唔乖就係鍾意人抱, 但係要企係度抱先得(唔俾人座, 離晒譜呀 ), 不過呢個情況多數係夜晚或佢扭眼瞓時出現. - 婆婆已經開始"LAK"佢weewee 及 poopoo, 不過唔係次次都可以成功去到poopoo, 但係都係一個好開始呢!
作息時間:呢一個月唔知點解, 半夜會自己扎醒, 不過俾個奶咀人佢食就又會自己瞓番, 但係有時佢食食吓奶咀頂甩咗就又會eeaa, 有時一晚會扎醒2-3次, 有無媽媽知道點解會咁呀?!
健康:剛剛回醫院做檢查, confirm陶寶B沒有尿道倒流問題(之前試過尿道炎2次), 真係好感恩呀, 之前真係擔心C莎拉及謝菲呀!