莎拉慶生日上下篇(下)

星期六莎拉要返工呢, 不過公司既buddy嚟個飲茶慶生, 佢兩位整咗個hand-made 3D生日卡!

哈哈哈, 多謝晒你地呢. 係物資短缺下都整到個3D效果, 陶寶B好似爬出嚟呢.


星期日正日生日, 簡簡單單飲個茶, 一家三口出去商場行街(Thank you謝菲既生日禮物呀!!!!), 回家同陶寶B玩吓已經好開心渡過莎拉媽媽既生日啦!

因為正日當日家人唔得閒, 所以就嚟個補祝生日飯呢, 不過同樣因為要就吓陶寶B, 所以係屋企食. 今次就係Order海鮮到家中食呢, 包括有生蠔, cherry stone蜆, 牡丹蝦, 皇帝蟹腳, 海膽, 雜錦魚生, 鰻魚壽司,,,,

以上既食物只係appertizer咋, 啲海鮮樣樣都好新鮮仲好大隻呢!!! 成隻手掌咁大既 cherry stone蜆及牡丹蝦簡直係令人回味呀! 而大家最愛既uni海膽, 夾起真係好大秋呢, 成舊放入口真係好滿足, 平時出去食如果咁大舊起碼都過百但係只得2舊啦, 而家呢一tray都只係$138, 真係好抵食呢. 食過啲咁正件既海膽, 第時出街睇怕都唔會再叫啦.

食完啲頭盤, 都要食番啲飽肚嘢先得. 所以媽咪就整咗海南雞飯同豬扒焗意粉, 

飯飽就到甜品時間啦. 好靚既蛋糕呢, 呢間cakeshop係第一次訂(Blessings Cakes & Sweets), new york cheese cake好rich好味, 唔好睇個蛋糕上面啲糖皮好似好甜呀, 佢比起之前啲cakeshop既糖皮少甜好多, 起碼食得落口呀! 

哈哈哈, 陶寶B又係蛋糕呀, 你飛彿, 又係全神貫注望實個cake呀.

多謝屋企人既arrangment整個咁正既後補bday dinner!!!