之前有朋友一早已送咗盒DIY整3D手模腳模既套裝俾莎拉, 所以莎拉同謝菲就係陶寶B三個月大既時候試整, 不過好可惜, 失敗了呀
, 盒內兩PACK既模都連續敗北!!!!(真係好佩服自己DIY整到既朋友們)
但係莎拉真係好想留住咁得意既手仔腳仔模樣呢, 但係如果搵人上門整手模腳模又覺得好似太貴, 所以就平平地係玩具豆豆城買咗個整手腳印既Kit.
陶寶B四個月大既一個星期日, 謝菲爹哋就開工努力整呢個手印腳印.加油呀, 我地唔可以再失敗架啦.
呢款DIY手印腳印Kit真係容易好多呀, 整衰咗又可以重新再整過喎, 可以講無難道呢. 經過2小時後既努力, 終於搞掂呢個比起星光大道更靚既成品啦! 人仔細細四個月, 都係啱啱好夠位整到手印腳印隻. 哈哈哈, 啲掌紋仲印晒出嚟好清楚呢, 唔知可唔可以就咁拎個手印去睇掌呢?!!!!
, 盒內兩PACK既模都連續敗北!!!!(真係好佩服自己DIY整到既朋友們) 但係莎拉真係好想留住咁得意既手仔腳仔模樣呢, 但係如果搵人上門整手模腳模又覺得好似太貴, 所以就平平地係玩具豆豆城買咗個整手腳印既Kit.
陶寶B四個月大既一個星期日, 謝菲爹哋就開工努力整呢個手印腳印.加油呀, 我地唔可以再失敗架啦.
呢款DIY手印腳印Kit真係容易好多呀, 整衰咗又可以重新再整過喎, 可以講無難道呢. 經過2小時後既努力, 終於搞掂呢個比起星光大道更靚既成品啦! 人仔細細四個月, 都係啱啱好夠位整到手印腳印隻. 哈哈哈, 啲掌紋仲印晒出嚟好清楚呢, 唔知可唔可以就咁拎個手印去睇掌呢?!!!!
好得意呀!! 同埋你個相架好靚!!
ReplyDelete[版主回覆11/12/2012 16:03:22]多謝呀! 我好鐘意呢啲相架, 因為可以一次過放多啲相呀!
加埋個名幾好wor~~
ReplyDelete[版主回覆11/12/2012 16:05:39]謝菲爹哋好好心機, 見有膠多咗就整埋個名呢.
上次都想買呢個送比人, 但佢話只可整手或腳, 雙樣一齊未必夠位, 所以就無買了. 同bb 整呢d 都好考功夫, 佢地會爪呀爪呀....
ReplyDelete[版主回覆11/12/2012 16:07:28]係呀, 如果佢一手爪落下就又失敗架啦, 所以最好就係買啲失敗咗都可以再嚟過既會好啲. 同埋最好襯佢食奶時先整會好好多.
我見有人出去做, 成個手/腳的模, 好得意的
ReplyDelete[版主回覆11/12/2012 16:08:17]果啲立體手/腳模真係好得意, 不過真係唔平呢.
我地果時都係自己整, 好彩一take過, 叫做成功呀!!
ReplyDelete[版主回覆11/12/2012 16:09:56]我之前diy既3d手/腳模真係失敗得好緊要呀, 相對呢個我都係一take過就ok呢
尼個仲好呢!
ReplyDelete成隻手腳果 D 我個人覺得好得恐怖 XDDDDD
[柑柑回覆11/12/2012 17:47:38]我見過 BK 有人貼相, 肉色 TIM 呀!
仲話好真有埋手紋, 好恐怖 ... 好似真係斬左出黎o甘
[版主回覆11/12/2012 16:12:13]哈哈哈, 呢啲2D手印腳印就比較好呢. 果啲3D立體仲會上埋金/銀色, 真係唔係人人地鐘意架.
[柑柑回覆11/08/2012 22:48:06]好恐怖
very good! 在 bb 手腳上的泥難清理嗎?
ReplyDelete[版主回覆11/12/2012 16:13:38]呢隻好方便架, 啲泥唔會Stick on BB手, 所以只係需要洗洗手就OK架啦.
haha, 好似幾好玩咁, 手仔腳仔仲好得意呢!~
ReplyDelete[版主回覆11/12/2012 16:15:15]呢個真係容易整, 起碼唔得可以再整過, 果啲3D立體手/腳模無得返轉頭, 整時好大壓力架
整得好好呀！！ 我地都有整，遲D再SHARE～
ReplyDelete[版主回覆11/12/2012 16:16:08]Little ball咁細個就整, 隻手印/腳印仲可愛呢...
可以留住小時候既手腳印，夾個睇返一定好開心
ReplyDelete[版主回覆11/12/2012 16:17:58]第時陶寶B大個啲, 叫佢自己拼一拼自己細個時既手腳印, 等佢知道自己BB時有幾細呢....
衰再又可以整過幾好喎!
ReplyDelete[版主回覆11/12/2012 16:19:16]呢個真係好重要架, 我之前整立體手腳模, 失敗咗第一次之後, 整第二包時, 幾大壓力呀, 所以呢隻手/腳印真係好好多架.
整得幾好呀, 我都諗緊買唔買黎整呀....
ReplyDelete又怕自己整得唔好浪費左喎...
[版主回覆11/12/2012 16:20:06]放心呀, 呢隻真係好易整, 所以唔會浪費架!!!
我朋友送左印手仔既禮物俾我，但老公話佢連手仔都未識打放，叫我唔好整住喎！！
ReplyDelete[版主回覆11/14/2012 12:10:57]手仔未識開係比較難架, 到咗百日時整就應該無開題架啦!
我都有朋友送咗diy 3d嗰隻比我,但我覺得好恐怖,所以一路都無動工,我鍾意你呢隻多啲,你呢隻幾錢?!
ReplyDelete[版主回覆11/23/2012 14:41:06]我無記錯好似是而$80-$100, 係toyrus, 我覺得呢個唔錯, 真係好易整, 3d果一個真係整到我發皮氣!!
嘻嘻, 哩個印係 "左手左腳" 黎架..我睇得出...
ReplyDelete[版主回覆11/23/2012 14:43:12]haha, 咁都俾你睇到, 真係眼利, 我呢個大蒙媽媽都唔知係"左手左腳"
我買左3d既手模腳模，但仲未整，諗住等南瓜仔4個月先，希望成功啦~~~~
ReplyDelete[版主回覆01/05/2013 10:56:11]上個月又有朋友送個3d手模腳模套裝俾我呢, 我都唔敢再整, 因為而家陶寶b大個咗, 一郁就好大力, 好大機會唔成功呀!!!!