芝士茄子焗肉醬意粉

2013年第一個post就整篇嘢食, 醒一醒神!
好耐都無post煮嘢食啦, 望一望上一次莎拉廚房既dinner原來已經係2012年既6月, 當時陶寶B都未出世呀, 真係上年既事啦.
不過星期日有時都需要自己煮晚餐, 但都係呢個宗旨"焗嘢一煲過", 方便快靚正. 今次就試吓Marks & Spenser既pasta sauce 整咗個芝士茄子焗肉醬意粉.
 莎拉同謝菲都係鍾意食茄子既人, 將已切薄片既茄子, 輕輕咁煎一煎, 之後鋪放在肉醬意粉上再加啲cheese一齊焗, 超好味呀.

成餐飯前後都係用咗30min去準備, 仲可以預早整定(啲意粉唔好煮得太林, 最好個心未熟, 咁到時再焗既時候就剛好熟), 食之前15分鐘先放入焗爐焗, 乾手淨腳, 就算陶寶B扭計都唔使驚, 因為謝菲可以幫手攞去焗就食得!!!
另一賣飛彿就係牛油果啦, 牛油果加啲煎雞胸肉及romaine lettuce就咁整咗個沙侓, 健康又好味.