本來係陶寶B初出世時已考慮過買呢類型既安撫椅, 不過最後都係打消呢個念頭, 因為一來價錢唔平, 二來驚陶寶B唔鐘意座. 但係最後到咗陶寶B成6個月大就走去販家, 點解最後會走去買呢, 而唔早買早享受呢?! 咪就係因為係朋友屋企試座成功, 見陶寶B座得定定地, 好似幾好咁. 二來平時婆婆日頭湊佢時, 陶寶B又未座得定, 成日有要陪住佢座, 行開行埋都唔得, 所以不如買張椅俾佢自己座. 三來好似話2013年好多Fisher Price既Product都會加價. 所以就係N咁多個既耤口下, 莎拉就係2012年最後一日販咗呢張安撫搖搖椅俾陶寶B, 盛惠$68X (係上樓鋪買有額外Discount).
一返到屋企就拿拿聲拆盒, 九秒九裝好張搖搖椅, 第一時間放陶寶B落張椅度嚟個剪綵儀式啦.
一放陶寶B落去扣咗條Seatbelt之後, 佢就起勢係咁彈彈彈, 張椅就係咁搖搖搖, 嘩咁搖法唔得掂呀, 真係驚佢反橷呀, 唯有改為唔可以搖既模式啦.
阿囝, 你明明上次係人地屋企座得好定架, 點解你而家座到好似騎馬咁架?!!!
一返到屋企就拿拿聲拆盒, 九秒九裝好張搖搖椅, 第一時間放陶寶B落張椅度嚟個剪綵儀式啦.
一放陶寶B落去扣咗條Seatbelt之後, 佢就起勢係咁彈彈彈, 張椅就係咁搖搖搖, 嘩咁搖法唔得掂呀, 真係驚佢反橷呀, 唯有改為唔可以搖既模式啦.
阿囝, 你明明上次係人地屋企座得好定架, 點解你而家座到好似騎馬咁架?!!!
好明顯個答案係因為試座時係人地屋企, 唔係自己地頭, 所以就乖乖地, 但係而家係自己屋企就當然盡顯真我個性啦.
好彩最後陶寶B都肯係張新椅度座一陣自己玩吓, 嚇得我呀, 又以為販家後佢又唔啱座呢.
好彩最後陶寶B都肯係張新椅度座一陣自己玩吓, 嚇得我呀, 又以為販家後佢又唔啱座呢.
最後個張相個樣....爆可愛呀!!!
ReplyDelete[版主回覆01/18/2013 15:19:25]bb既笑容真係無得頂呢, 幾時都係咁可愛呀
陶寶B玩得好開心喎~呢6百幾蚊無洗錯
ReplyDelete[版主回覆01/18/2013 15:20:16]真係好彩佢座呢張椅, 如果唔係就係真正既販家呢.
我都想買依張好耐，
ReplyDelete依家見你買左甘好用，
又心思思想走去買tim~
[版主回覆01/18/2013 15:24:19]我都前前後後諗咗好耐呢, 最後都係因為諗住佢可以大個啲時都座到, 好似好抵, 所以最後都買咗呢.
最後一張相so cute!!!
ReplyDelete[版主回覆01/18/2013 15:25:25]每次見到佢個笑容, 真係好sweet呀!
我家都有呢張椅呀,,,,不過坐咗一個月就收埋了, 因為隻蜜瓜坐唔定, 無時停呀!!!
ReplyDelete[版主回覆02/04/2013 20:06:51]係咪每個囝囝都係無時停呢?!好彩陶寶B仲限有時座下如果唔係又要收埋
識自動搖的嗎?
ReplyDelete[版主回覆02/04/2013 20:08:01]張椅不會自動搖，但會震