走遍商場 - 朗豪坊Xmas外影

雖然聖誕已過, 但係仲有好幾編聖誕既post都未出, 要加油出post先得!!!

2012/12/08

謝菲星期六上午要返工, 咁莎拉就第一次單拖孭住陶寶B出去朗豪坊會合謝菲食晏同行街街. 其實平時行商場, 都會盡量用BB車帶陶寶B出街, 但係旺角朗豪坊實在太多人, 推住bb車好唔方便, 加上個商場又好少升降機, 所以都係用孭帶方便啲呢.
雖然只係孭住陶寶B 15分鐘既路程, 不過莎拉雙膊已經好攰啦, 因為陶寶B都已經好重啦(就係因為呢一次, 所以莎拉先會買多一條i-angel孭帶).
到到商場又係搵嘢食先, 不過成個商埸真係超多人, 所以是但搵間有位又有長椅既餐廳就得啦. 莎拉都未order嘢食, 陶寶B就又已經瞓著咗, 哈哈哈, 又係隨街就瞓啦! 不過咁樣都好, 而家叉一叉電, 等陣先唔會扭計.
又係到咗食完既時候, 陶寶B又自己自然瞓醒, 真係合作啦. 郎豪坊既聖誕主題係"極光森林", 用咗好多LED燈整成既樹, 白藍色既主題.


除咗有啲燈飾樹之外, 仲有北極熊, 海獅, 企鵝公仔, 不過實在太多人啦, 而啲人都仲係唔多守規律, 就算有人影緊相都沖埋嚟影, ai~~~無品呢!!!
旺角真係針都插唔入呢, 所以影咗一兩張相就走啦.