20th month成長之路

身高及體重 

沒有機會上磅, 不過相信不能再用i-angel孭出街既日子不遠了 

食量 

今個月飲食習慣有大改善呀, 陶寶B而家可以接受人餵食, 唔再需要用手攞嘢食, 呢個改變真係差啲令莎拉感動落淚呀. 除此之前, 陶寶B都可以同大人一齊食大人食物啦, 因為之前陶寶B原全唔接受大人食物架, 所以近來出街食飯都方便了好多. 下一個目標就係希望陶寶B可以用餐具食嘢, 不用人餵, 而同時希望陶寶B可以戒用奶樽飲奶呢. 

活動能力 

-講嘢方面無咩進步, 都係成日講BB話, 莎拉真係愈來愈心急了, 因為距離2年歲既日子只係餘下4個月呢, 到時如果評估都係Fail就需要轉介醫生跟進了. 

-近來主動去認字, 會捉住媽媽手叫媽媽讀出flash卡的字. 

-有少少意識懂得nose, mouth, 會自己指自己的nose及mouth. -鐘意扮大人講電話, 自己"古lu古lu"係咁講. -懂得座上單車, 用對腳自己行(好似聰明笨伯咁行車) 

作息時間 

可能2月莎拉放假, 所以陶寶B都好似放假咁, 夜瞓了及遲了起床. 因為陶寶B都習慣8am-9am起身, 所以放假時莎拉都不用較鬧鐘呢, 點知最勁有一次係當莎拉被陶寶B嘈醒時, 望一望個鍾, 居然係11am, 嘩, 真係不感相信呀, 因為自陶寶B出世到而家, 陶寶B都未試過咁晏才起身呀, 當日莎拉都不知幾爽呀.  

健康 

感恩今個月一切正常呀, 叻叻豬呀.