4日3夜Crazy Family華欣自由行- Day 1(中)

大約再座1小時既車程就到達Swiss Sheep Farm了, 今日係星期六呀, 所以叫做比較多人呢, 但似乎好多都係泰國人呀, 不過就算係所謂多人, 對於香港人見慣周圍都係自由行既旅遊景點, 呢度一啲都唔覺得人多呀.

大人入場費120Baht, 小童80Baht (以前好似平好多, 但呢一年多咗人去, 出了名, 所以勁加價)

穿過呢個入口位就進入農莊架啦

因為正正是2pm, 所以太陽都好猛烈好曬, 陶寶B都成頭大汗.

Swiss sheep farm 當時係有羊呢, 羊欄內有好多羊仔呢

買了一堆草餵羊, 陶寶B起初有啲驚, 唔係好夠膽拎住啲草呢, 不過佢見我地個個都餵之後就大膽了. 

唔好睇啲羊仔好似好溫柔, 佢地食起草時搶嚟食都好大力架. 

除了餵羊之外, 另一個一定要玩的就是"大樹下的千秋". 平時係公園蕩千秋就試過無限次, 但係咁有童話feel既千秋真係第一次玩呢, 莎拉抱住陶寶B座住蕩來蕩去, 好爽呀.  

呢度周圍好多影相靚位架, 慢慢影都玩咗前後1小時呢. 

其實呢啲好有懷舊遊樂場feel, 玩就無興趣啦, 不過影相就好正呢. 

今日真係好曬, 莎拉有太陽眼鏡, 婆婆有帽, 陶寶B就咩都無, 有帽你又唔帶, 你自己揀架!


莎拉好鍾意呢張相, 因為陶寶B既反映好的, 好似用身體語言講, "你兩個好肉麻呀, 我走先呀!"

天氣實在係太熱啦,最好不過就係食番支冰凍既泰式雪條, 推介大家如果見到呢款雪條, 一定要試試, 因為我們試了椰子味及龍眼味, 好鬼好食, 因為有埋果肉, 真正的果肉雪條. 陶寶B都唔執輸食番啖解吓熱呢. 

玩完Swiss Sheep Farm就上車繼續向Evason Resort進發.

Swiss Sheep Farm Website: http://swisssheepfarm.com/