新春馬年四圍遊 (上)

過去既每年農曆新年, 莎拉都習慣陪家人回鄉渡歲 (上年都不例外呢), 不過因為今年初陶寶B因為H1N1流感才病了一場, 加上2月中會去旅行, 所以為了避免陶寶B再病, 今年都係決定避一避唔返大陸, 留係香港過農曆新年呢. 

每年莎拉都會避迫放一個有差不多十多天的農曆假期, 所以呢十多天既日子莎拉就做了full time mom了. 曾經見到有不少既working mom都會呻全職湊仔仲伸苦過返工呢, 不過好彩, 陶寶B係呢十多天都待莎拉不薄呀, 未有令到莎拉有呢個"湊仔仲伸苦過返工"既念頭, 某程度上仲好Enjoy做呢個"Limited edition" Full time mom呢. 湊陶寶B期間, 最成功就係將陶寶B唔俾人餵既習慣改掉呢, 真係好有滿足感呀! 呢一刻仲好回味剛過去的十多天Full time mom日子, 唯有寫翻呢個假期既開心時光.

年初一

大年初一, 食過豐富早餐之後, 就出發去山頂行個大運啦. (無錯, 係山頂哦, 好自由行feel呢) 對上一次去山頂都差不多7,8年前既事了, 老實講又點會無啦啦上山頂呢. 

係IFC搭巴士上山頂, 真係7成都係遊客(正確啲講應該係7成都是內地人至真). 兜呀兜呀, 終於上到山頂啦, 真係"People mountain people sea"(人山人海)! 行咗一陣老襯(即係山頂)商場, 就去咗burger king食個tea, 而陶寶B就係呢度食咗佢人生既第一條炸薯條呀! 好味呢, 正呀, 左一條右一條, 大家一齊食番條!

陶寶B第一次來到山頂, 一定要影番啲指定風景相

影完相之後莎拉已經忍唔住走人了, 因為呢度實在係太多Big6人了, 陶寶B我們切退吧(雖然已經預咗嚟呢啲觀光地方一定多遊客, 但係真係頂唔住遊客中有95%都係Big6人, 個一刻真係好有壓迫感). 陶寶B我們走吧!!!!

年初二

今日天氣好到不得了, 好有夏天Feel(無錯, 真係同夏天一樣著影T-shirt), 最好不過就係同陽光玩遊戲. 今天既活動就係迪欣湖野餐呀. 

簡簡單單準備咗啲食物之後就向迪欣湖出發. 在開往迪士尼是地鐵內, 包圍我們既都係Big6遊人, 不過佢地既目的地係迪士尼, 好彩迪欣湖真係無咩Big6人, 相反就係外國人既比例較多, 連本地人都少, 相信因為大部份人都係拜年中, 所以整個迪欣湖都非常清靜.

陶寶B都好Enjoy呢個moment, 自己扒係度望住個湖, 真係識嘆呀!

今日天氣真係出奇地好, 天空是藍色的呀, I Like It!!!

食飽飽之後, 就玩吹bubble啦, 上次嚟迪欣湖玩吹bubble時, 陶寶B都未係咁識玩呀, 今次就唔同了, 佢想嘗試去捉住啲Bubble, 好傻豬架. 

食飽玩飽, 最好不過就係午睡片段, 莎拉同陶寶B就係咁瞓係草地上吹住微風嚟個午睡, 一個字"爽"呀!!!