面試月又嚟啦

2014/11

經過上年報讀PN後失敗既刺激, 今年既K1真係不容有失, 所以係8月份既時候已經開始check住啲幼稚園既報名日期, 差不多個星期都要check實學校website有否updated. 

今年莎拉好似癲了的報了多間幼稚園,  十幾間幼稚園既Application加上回郵信封都幾十個, 真係填到Short咗. 莎拉唔係怪獸家長, 所報既學校都不是什麼出名既幼稚園了, 我只係但求陶寶B有書讀, 要求真係低到不能再低了, 但係真係唔明白點解香港既教育制度會咁樣, 令到原來咁低既要求都不容易達到. 

教育局為了應付今年學齡人數特別多既因素, 所以接受學卷既幼稚園都會統一註冊, 避免家長hold住多個學位, 不過如果係私校(不接受學卷既幼稚園)就唔係呢個玩法了. 因為今年玩統一註冊, 所以大部份既面試都係安排在11月份, 而有好多幼稚園既面試日期都撞期, 莎拉所報既幼稚園就有5間係在11/1(星期六)同一日進行, 唔好話小朋友啦, 就算大人都頂唔住呢. 所以最後莎拉只係選擇面試其中2間, 因為就算俾小朋友去得到所有學校, 莎拉好清楚明白陶寶B, 係又攰又眼瞓既情況下, 佢一定扭計, 所以莎拉令願集中火力去2間真係心儀既幼稚園. 

仲有一種面試安排情況係好討厭既, 就係面試安排在平日進行, 莎拉收到既面試日期, 有5間係在平日進行, 唉~~~, 莎拉沒有咁好命水做FTM, 所有Annual leave又已經用盡了, 咁點好呢, 唯有同老公大家一人請啲假去面試. 

報了十幾間幼稚園最後去了面試11間, 但係陶寶B每次面試既表現都好飄忽, 面試4間有3間都係扭住計來面試. 雖然莎拉已經有了上年面試既經驗, 但係每當面對陶寶B面試時扭計, 莎拉都會好嬲好"文", 嬲小朋友又嬲唔落, 因為有時面試流程都好影響小朋友既表現及心情, 愈諗個心就愈氣結. 加上陶寶B語言能力與同齡小朋友比較真係差得太遠了, 每當一到問答題就真係唔掂, 唯有依靠指令題嚟表現, 所以能夠成功面試被取錄既機會都大大減了一半. 所以其實整個11月份莎拉既心情都會被每次面試既表現而影響.