暴走維園@智樂遊樂場

2015/3/22 

一早聽聞"智樂"呢個機構所舉辦既活動係非常好玩, 咁啱前幾天心血來潮上佢既網頁睇吓有咩活動, 點知剛好就見到智樂會係花卉展內搞個遊樂場, 嘩正呀, 今個星期日有節目啦. 

當人人去維園係去參加花卉展時, 我們就係特登去場內玩呢個"智樂社區共建遊樂場". 就算經過啲花, 陶寶B都無興趣去睇(其實連大人都無咩興趣, 因為太多人了), 所以就一支箭直奔去遊樂場啦. 場內所有遊戲用既物料全部都係由一啲被人視為廢物既東西去建成,  例如車軚, 木塞, 木珠呢一啲咁Raw既材料. 

陶寶B一見到有咁多小朋友不知幾開心, 佢見到小朋友執起地上既珠仔然後放上竹上面滾動, 陶寶B就跟住去做, 不需要大人去教單憑自己既觀察就學到了. 呢個滾珠仔遊戲簡單到不得了, 但有時就係簡單就係最好玩. 

玩完一些靜態既遊戲, 係時候"動"起來啦, 莎拉見到呢個彈彈圈自己都忍唔住去彈跳埋一份呀, 低能既莎拉仲玩埋空中飛躍相呀. 

小朋友企係個彈彈圈上面, 可以訓導佢既平衡力架. 就算企唔隱都唔駛怕, 因為趺倒都係在草地上好好玩架.  

另一個"木塞牆"遊戲就可以訓練小朋友既耐性, 用個筒仔自己收集地上既木塞, 之後就一個個塞在牆上.

雖然陶寶B無咩心機去將木塞放在牆上, 不過佢就好有心機去執地上既木塞呢. 執滿一桶之後就一下了倒在地上然後哈哈大笑, 佢有佢既玩法, 總之就係自得其樂啦. 

嘩,,,,大車軚呀, 陶寶B出盡奶力自己去抬起個車軚, HAHA, Junior激戰板呀! 

平時真係唔會有機會接觸車軚, 所以陶寶b好投入咁去將啲車軚推來推去, 1,2,3推!!!!好好玩呀!!! 呢個"智樂社區共建遊樂場"真係非常好玩, 諗深一層其實呢一啲遊戲真係似曾相識, 莎拉童年時都係玩橡膠繩, 彈珠仔呢類遊戲, 不過因為現在物質實在太豐富而遺忘了呢一啲簡單既遊戲, 其實有時小朋友係不需要教材玩具/電玩, 有時反撲歸真玩簡單既遊戲已經係好滿足了.