親子Hea遊芭提雅+曼谷6日5夜- Day 4(下) [懸崖餐廳]

Day 4 行程: Sanctuary of truth-> Tea Tree Spa -> 懸崖餐廳 Rimpa Lapin

最後一晚係芭提雅, 所以就特別安排了一間環境絕靚既餐廳食晚飯, 海邊睇日落既餐廳選擇有好多, 但係座係懸崖邊睇日落就比較少有, 所以今次就選了呢間懸崖餐廳 (Rimpa Lapin 既Facebook page). 因為餐廳位置都好遠, 所以一定要包車來回先得, 當日莎拉就包了架taxi來回(司機係餐廳外等我地食完再車返去芭提雅), 經講價後900Baht成交. 起初都覺得車資都幾貴吓, 會唔會唔值得呢? 但最後莎拉覺得係值得既. 

雖然係google map睇由酒店到懸崖餐廳車程係大約30分鍾, 但係未計放工時份會出現塞車呢, 所以時間最好約鬆少少. 另外book位前, 最好check吓日落會大約幾點, 咁就可以較好時間呢. 

我地5pm由酒店出發, 最後塞吓車5:45pm先到達餐廳. 係餐廳門口一步一步行入去, 跟住慢慢就見到眼前既景色, 就算係坐咁耐車嚟食呢餐飯都值得既, 因為真係好靚, 立時想唱翻首張學友既"夕陽醉了". 

雖然而家先6pm都未到, 但係餐廳內已坐了5成, 每一檯既客人都不約而同拎起手上既相機捕捉眼前既景色.  

餐廳周圍既裝潢都好靚, 好有holiday mood. 

呢間餐廳除了受遊客歡迎之外, 本地人都好多人慕名而嚟幫襯, 所以餐廳係星期六及日係不設訂位, 只有walk in, 所以如果想要係懸崖邊既靚位就一定要安排平日去. 訂位方法可以打電話去代訂(不過莎拉怕對方電話說英文時誤會訂位情況而引起出錯), 所以莎拉就透過佢地既facebook, private message去訂位咁就萬無一失. 當日攞檯時就出現了一段小插曲, 個帶位職員位佢張訂位紙見唔到我個booking, 跟住我就show俾佢睇餐廳確認booking既message(因我一個月前已訂檯及仲要求了懸崖邊既檯添), 之後帶位職員見到個confirmed message後不再懷疑就立即安排了懸崖邊既檯給我們了, 所以莎拉覺得用facebook同佢地訂位, 起碼有black and white一定唔會錯, 唔會因為語言而引起誤會呢. 呢張就係懸崖旁既第一行靚檯. 

時間剛剛好, 日落開始進行中. 隨後既15分鐘內, 就不斷地影相, 因為日落既顏色由咸蛋黃色, 慢慢地變成紫紅色呢. 

懸崖餐廳係依山用木而起, 建築得好靚, 好有modern thai style. 

懸崖下就有一個沙灘, 而餐廳都有條樓梯可以行落去沙灘架, 所以如果早咗嚟可以行落去行吓都好. 

當日所見餐廳都2/3係本地人, 相信如果weekend就更加多人呢. 終於影到張一家人既日落相, 都係自拍神棍好嘢. 

全家人都忙住影相, 終於個日落走得七七八八, 我地先order食物, 餐廳食物選擇好多價錢唔算貴呀, 真係樣樣都想食呀, 最後就叫了8餸1湯, 真係好誇張呢. 

嚟到泰國食生蝦是常識吧!!!

莎拉覺得今晚餐飯最好味及出色既就係個煎蠔餅及冬陰公, 蠔餅就用鐵板上又香又多蠔肉.

而個冬陰公就夠晒辣, 好滿足呢. 

另一個泰菜必食就係炸蝦餅, 熱氣都係咁講. 

呢餐晚飯由黃昏食到個天都黑整, 到了晚上又係另一個浪漫氣氛, 雖然懸崖餐廳係有啲遠, 但係個人覺得係值得嚟食餐好既. 

食飽後司機就車翻我地出去芭提雅, 回程只係30分鐘就到了, 路經生果店仲買咗啲金柚食, 真係又甜又多汁. 

而陶寶B都玩到無電了, 各位晚安喔. 

陶寶b與莎拉媽