慶祝4歲生日大快樂

2016/6/19

眨吓眼又到了陶寶B既生日月份了, 今年揀了在父親節當天嚟搞生日會, 一於嚟個Cross over. 其實好多次莎拉都好想同陶寶B搞個戶外/沙灘生日會, 但6月份既天氣往往好難預計, 一唔係就落雨再唔係就熱到無朋友, 所以都係搞番室內吧. 

雖然不可以嚟個戶外派對, 不過都可以加啲夏天陽光既氣息襯番陶寶B既Summer boy性格, 夏天熱辣辣有咩好得過見到大大既雪糕呢?! 

前一晚, 莎拉同謝菲漏夜整好晒所有Decoration, 第一天一早陶寶B瞓醒一開門就見到啲生日派對佈置, 立時就嘩嘩聲, 超級誇張,  仲即時拎樽水嚟飲.

生日會前幾天同陶寶B講, 過兩天同你開生日會, 跟住佢就話”好嘢, 有大餐食?!”, OK, 喔,,, 原來你眼中生日會等如食大餐, 雖然只是一家人小型派對, 但媽媽當然會盡量滿足您. 

天氣熱辣辣最啱就見到啲Colorful既食物, 所以今次party既餐單有泰式串燒, 蝦滑紫菜卷, 菠蘿炒飯, 迷你漢堡包, 芝士西蘭花, 三色啫哩. 謝菲嗲嗲雖然不斷叫莎拉唔好整得咁辛苦, 但係你唔明架啦, 為了小朋友食得開心, 真係能力整到既都會去整呢.  人整就開動啦, 陶寶B樣樣都攞少少, 真係好似食Buffet咁款. 

平時唔食包既陶寶B, 唔知點解見到Burger就會自動波去食, 所以呢個mini-burger都會為佢而設架.

至於甜品就back to basic嚟個三色啫哩.

啫哩呢種甜品真係有種吸引力, 食時好有童年回憶, 謝菲嗲嗲就回味緊童年回憶, 陶寶B就建立緊童年回憶. 

終於輪到生日蛋糕出場啦, 今年就係Vive cake boutique訂了個雪糕球做型既蛋糕襯番個主題.

相比起過年幾次既生日, 今年好明顯見到陶寶B係清楚知道呢個係佢既生日會, 所以佢係十分期待唱生日歌吹蠟燭呢個Moment. 

最後生日派對當然要有拆禮物時間啦, 陶寶B一見到就嘩嘩聲.

因為有佢恨咗好耐既Peppa pig playhouse.

仲有peppa pig既手錶, 搖控車, 真係有排玩了. 

今天係父親節, 當然唔少得呢張全男班三代同堂既合照啦. 雖然只係一個係家中搞既小型生日會, 希望陶寶B日後大過了還會記得呢個生日會. 

陶寶b與莎拉媽