嚟到今次旅程最尾既一日, 其實應該係半日至真, 不過就算得番一個上午都要用盡佢呢. 晨早就係酒店食過早餐, 雖然酒店係平平地, 不過早餐絕對唔失禮呢. 自助早餐有佢最鐘意既juice, 麵麵及Yogurt, 睇吓陶寶B食得幾咁好味就知啦.
食完早餐之後就出發去Siam Paragon補倉, 我呢啲C9仔目標當然就係 Siam Paragon
basement果間supermarket啦, 見到所有泰式醬料及麵, 真係樣樣都想買呀, 最後我地真係差不多用晒所有泰銖, 剩下剛剛好既車錢去機場, 今次真係買到好盡呢.
諗住時間剛剛好啦, 點知去到機場後才發現架飛機會delay呢, 早知係咁就慢慢來啦. 好多人都話香港航空好多時都會出現delay問題, 好彩我地係回程才遇上, 起初話延誤1小時, 點知去到禁區就話要再delay多1小時, 咁咪即係前後延誤2小時?!
有咁多時間無理由唔食吓嘢架, 所以又再係上機前再食個泰粉先得. 查實莎拉都知係機場食泰菜又貴又未必好食, 但無法啦, 無理由食Burger king架嗎, 食翻碗”遊船河”先舒服. 陶寶B食到不知幾咁Enjoy, 因為有麵麵食就最開心了.
食飽後絲絲然行去boarding gate都仲有大把時間, 可能因為delay得比較耐, 所以入閘時就一人派一個餐盒俾你醫肚. (話時話個餐盒仲豐富過係機上派既包餐呢)
上到飛機陶寶B又玩吓又食吓又瞓吓就到達香港了, 6日既親子Hea遊就此結束了, 期待下一次再去旅行呢.
Thanks you
ReplyDelete