選擇住銀河酒店都係因為個天浪淘園, 所以出發前都預計天氣唔好有機會落雨及有雷暴時, 而”天浪淘園”會係雷暴及打風時關閉, 所以都真係好擔心會影響呢個旅程. 不過好彩Check-in後放下行李, 見沒有落雨就快快手換衫去玩了. 天浪淘園就分為一期及二期(最新), 而銀河酒店就係位處於一期, 酒店搭電梯到2樓就直達天浪淘園了.
進入天浪淘園時需要出示房卡, 而職員會拍一拍房卡去確認(因為每間客房只可容許3位成人或2位成人2位小孩進入), 所以絕對無可能偷雞!
一進入天浪淘園後, 左邊就有一個恆溫泳池, 再行前少少就係衝浪池了, 一排既沙灘檯可以隨便坐, 而如果想玩衝浪板既, 呢度都有得租, 不過好貴(無記錯好似$100/HR).
雖然呢個衝浪池可以玩吓當熱身, 不過陶寶B眼尾都唔望吓, 因為佢個目標係玩漂浮激流喔(其實我地都係!). 之後就一條大直路行去天浪淘園的第二期.
嘩, 呢一段透明飄浮管道就簡直係天浪淘園既Icon, 一定要影張相打卡喔.
入到去, 小朋友當然第一時間搵件救生衣著咗先, 之後攞個水泡隨便見到其中一個漂浮激流入口就可以係度慢慢漂吓浮吓.
唔好聽個名叫Lazy river就好平靜, 漂浮激流其間會有大量既花灑裝置, 模求玩既人要由頭濕到落腳.
雖然天浪淘園係六間酒店共用, 但係空間非常充足, 沒有人山人海既感覺.
至於設施都好足夠, 水泡真係大把任攞任玩.
講咗咁耐, 終於有得玩啦, 漂吓漂吓, 陶寶B真係十萬個興奮!
場內既工作人員, 無論係救生員或表演人員, 都會好主動同客人打招呼, 好Nice, 所以感覺到自己真係好似係外國既Resort渡假一樣.
玩咗幾個圈Lazy river後就轉一轉場, 去咗”棕悅灣”(人工沙灘)度坐吓.
小朋友平時去沙灘玩沙, 最麻煩就係海灘既咸水, 係呢度就唔會啦, 玩沙唔會俾咸水”UP”住呀. 而呢個池係好淺水, 所以都好放心俾陶寶B自己玩.
自己瞓係個水泡度, 浮吓浮吓好爽YY呀!
而大人就坐係池邊Relax吓之餘, 莎拉同謝菲就襯機會輪流去玩”沖天激流”. 之前已經睇過電視介紹過”沖天激流”, 所以十萬個期待想玩. “沖天激流”分別有3條滑梯, 綠色(部份透明管道), 紫色(全黑管道), 橙色(全黑管道及速度最快), 莎拉3條都有玩,, 結論係橙色那一條真係快到頭都暈, 而綠色那一條因為有部份是透明管道所以感覺好得意. 而紫色那一條其實速度都唔慢架, 個人覺得紫色及綠色最好玩. 溫馨題示吓大家, 玩滑梯既最少高度要120cm, 另外不能配戴任何頸鏈及上身不可穿T-Shirt, 所以玩之前最好乖乖除晒佢.
整個天浪淘園,除了有啱大人及小朋友玩既水上設施, 當然有啱BB及幼童既設施啦.
陶寶B入到去玩了一個圈覺得太小兒科了, 所以要行返出去玩lazy river.
另一個重點泳池就係衝浪池, 當佢平時未有浪時就同普通泳池差不多, 但當有浪時就立即變得好好玩, 陶寶B不斷係岸邊衝浪大笑, 玩到好似飲醉酒咁傻笑.
玩完水面後, 連水底都唔可以放過.
天浪淘園內都有餐廳, 今次就沒有幫襯叫食物, 見到價錢都唔算太貴.
中午時份, 熱辣辣, 飲番杯slush就係立即涼晒呀!
今次嚟天浪淘園玩真係一啲都無失望, 我們一家都係”玩水控”, 所以3天每日都去了玩水, 好多人都知道, 酒店check-in時間係3pm, 但如果未到3pm未取到房間, 酒店都會給你一張卡去天浪淘園玩的, 但原來check-out當日都可以玩餐飽的, 只要check-out當日, 拎住當日check-in時的身份証明文件係2:30pm之前都可以進入天浪淘園玩, 不過用”id card進入”呢個方法就只可以使用一次, 所以大家如果去玩就不需要急急趕係check-out前進入天浪淘園喔.
今次去完天浪淘園後, 真係上晒癮了, 下年暑假, 我地一定會再嚟架!!!
哇好似好好玩咁呀！
ReplyDelete呢間酒店既水上樂園真係好好玩, 如果香港都有類似既水上樂園就好了!!
ReplyDelete