[布吉親子遊] 5日4夜陽光大拍賣 - Day 2 (上)

經過一晚既休息後，一早9am就已經係lobby等司機了. 雖然只係瞓咗6小時，但係都不知幾精神，原因好簡單，之唔係放假囉！

今天既行程就係出外島玩，布吉出外島又好幾個選擇，有蛋島(Egg Islsnd)，珊瑚島(Coral Island)，帝皇島（Racha Island)及斯米蘭島(Similan Island), 實不相瞞莎拉上次同謝菲嚟布吉時，除咗蛋島無去之外，其餘三個島都已經去過. 首先斯米蘭島係4個之中最靚既，不過行程係最申苦，有小朋友同行就不用考慮了. 而珊瑚島就上之經驗，真係好普通，所以不在考慮之中. 最後剩番蛋島及帝皇島，好多人都話蛋島好啱小朋友，因為岸邊可以見到魚仔之餘，出島既團只玩半天就可以了，但就會好多人，因旅行團係必去既. 而皇帝島就上次經驗，印象中係好靚，水又清，而岸邊都有機會見到魚仔，所以最後都係決定去皇帝島！係香港出發前就搵了Man 哥book 團，好多人話可以去到布吉時才book都唔遲，但莎拉唔想麻唔想去到同啲艇仔講價，check 了幾個當地布吉既agent 價錢後，man哥既較合理後，（1200baht 大人, 900baht 小童) 就決定找他代為安排了.

昨晚咁夜才check-in都未有睇真間酒店, 老實講布吉以大約$800/night (不包早餐), 呢間連鎖品牌Grand Mercure 真係唔錯了.

係酒店Lobby等緊車, 大家都好期待同陽光玩遊戲呀.

早上9am, 司機就準時到達，車上已經有幾位乘客了，坐了大概45分鐘就到了出發去皇帝島既集合地點！

睇嚟我地係第一班到達既人呢、等待之餘仲有簡單早餐供應，有餅乾麵包之外，仲有咖啡供應，都好呀，因為我地未食早餐架！

周圍貼有好多海底生物既相, 不過千萬不要太期望呢.

等到差不多所有人到整之後，工作人員就嚟個briefing, 講解吓行程安排，莎拉參加既團就只會去racha island包浮潛及午餐.

完成講解後就一人一條手帶以識別坐既船. 

今日共有三架船，而工作人員其本上將所有中國人都安排在同一條船呢，就算唔想都無法了！

有了N年前在布吉坐快艇出島既經驗，最好坐近船頭位置，同埋快艇行駛時盡量望出面既風景，咁就可以避免暈船浪！

緊記大人小朋友都一定要著救生衣呀!

 坐了差不多30min後，就到達了racha island 了，同樣是那條浮橋，風景依舊美麗！

海岸唔係好長, 人又唔太多, 真係好正!

沿著海灘可以租太陽傘，價錢已經忘記了，反正不是太貴加上全日都係島上玩，點都要租一把呢！

陶寶B見到個海就已經第一時間衝出去了，唔好話佢啦，莎拉都忍不住要同陽光玩遊戲！

陽光請盡情地曬住我啦!!!

帝皇島既水質依舊都是咁靚，而佢既海灘其實好淺水，行到好出都仲企得到！

嚟到呢個咁靚沙灘, 當然要做個spa啦, 由陶寶B親自主理. 

玩了大概1小時後就上返快艇出去玩浮潛了！工作人員會給予浮潛用品，如果想玩得安心啲，就自己買定個咬咀！呢邊浮潛既水域好靚，海水既顏色一望見就想跳入去！

We are so ready!!! 可以跳入去未呀?!

以為陶寶B好大膽，點知一落水掂唔到地就立即驚驚，唔肯自己游，好彩一輪熱身之後，佢就終於無咁緊張了！

從前去玩浮潛，啲人一定會教你帶定啲麵包去餵魚，但現在已經全面禁止了，不過都不用擔心，玩浮潛時都見到唔少魚架！本來緊張既陶寶B, 一見到有魚游過身邊就不知幾開心！

陶寶b與莎拉媽