新春大吉

年三十晚啦, 屋企係時候要佈置吓, 有番啲新年氣氛!!!

剛剛第一年成為陶太, 屋企嘢點都要執吓.  雖然婚禮已完成咗個多月, 但係仲有大量婚後物資係度. 終於用咗啲時間執番整齊.

清潔完畢後, 就可以貼揮春啦. 最鐘意個果就係"掂過碌蔗". wakaka!!!

其實應該唔會有咩人上嚟屋企拜年, 但係新年全盒都唔可以少得,做樣都要架!

不過今年啲花真係貴過上年呀!!! 而年花都只係買少少點綴吓啦, 因為我既花道就真係麻麻地,買少少插吓啦, 另外就買咗支富貴子放係門口位.

年初一下午我就上去番禺啦, 所以係度同大家講定新年快樂, 身體健康, 全年行好運!!!!