首爾食+買自由行之旅-Day 1(上)

因為公司年尾搞旅行, 但係我無join到, 所以就係元旦前失驚無神有幾日假期!!!

雖然呢個係我同謝菲係婚後既第一個Trip, 個個都以為你honeymoon, 但係我同謝菲再從申一次, 呢個唔係Honeymoon呀, 呢個係無啦啦突然多咗出嚟既假期, 因為唔想浪費佢, 所以就快快手睇吓有無一啲唔係太貴又可以搭飛機既short trip 啦!!! 所以老公, 我地仲未去honeymoon架,,,,wakaka!!!

係年尾去旅行真係一啲都唔平, 平時去開好抵既曼谷都變得唔平, 最後就睇晒成個亞洲區, 好似首爾幾抵, $7200, 兩個人, 4日3夜, ok喎, 橫掂我同謝菲都未去過, 就呢個啦!

平時去自由行, 好多時之前2個月已經一早做定資料搜集, 但呢個首爾之旅, 因為之前一直集中搞結婚既嘢, 跟本無時間去做research, 最後我都係出發前3日先做功課!!!好啦出發!!!!

首爾食+買自由行之旅-Day 1

我地搭既唔係零晨機, 而係上午9:45am, 所以去到首爾都差唔多1:30pm啦.

一出都機場, 凍呀!!!! 自從由加拿大搬番嚟香港之後, 好耐無試過咁凍啦!

我地出發之前已經做咗功課, 知道由機場去我地既酒店係巴士6001, 嘩, 由機場座巴士出到去明洞附近要成差唔多2小時, 真係好耐!!!

今次book既酒店叫Astoria Hotel, 係忠武路地鐵站附近, 落咗巴士之後, 我呢個tour guide就望吓地圖睇下間酒店係邊樹,,,

好快就搵到間酒店啦, settel down放底行李之後都成差唔多5:30pm啦, 好肚餓啦, 要出去搵食啦!!!