首爾食+買自由行之旅-Day 3(中)

行完景福宮都差唔多成12:30pm啦, 係時候食lunch啦, 今日既行程係老公極之期待, 因為我地會去最大既海鮮市場"鷺梁津水產市場"個度開飯!!!

係地鐵站行過去好易揾, 因為係會聞到好重既魚腥味, 朝住果個方向行就包無錯!!!

入到去真係好大呀, 好多海鮮呀, 真係花多眼亂!!!

呢度有啲似香港既鋰魚門, 係海鮮檔買海鮮後, 之後就係啲餐廳度加工. 係入口附近既海鮮檔好多都唔識講英文或國語, 再行入啲就會開始有人同係講國語, 所以唔驚唔識嗌.

今次, 我地兩個人就買咗一隻長腳蟹, 鮑魚, 好大隻既蜆, 好似係立魚既魚生.

去到餐廳, 待應用佢有限既國語問我地啲海鮮點整, 我地就清蒸長腳蟹, 炭燒鮑魚, 清湯煮大蜆!

餐廳既榻榻米形式, 一座係榻榻米上, 嘩patpat立刻好暖呀!!!

老公見到成碟sashimi已經發癲啦!!!

我地都沒有叫韓燒, 但係待應都係俾咗一碟二碟既菜, 辣椒, 蒜頭, 點用呢?? 

當我地搔頭之時, 我地就見到隔離檯既韓國人食緊sashimi, 原來韓式魚生食法係用菜加辣椒及韓式辣醬, 我地就跟住嚟試吓, not bad whoa,,,都幾好食呀!!!!

隻蟹真係好大隻呀, 我地用咗成個鍾先可能消滅晒佢!!!

睇吓個長腳蟹既蟹肉幾好肉, 而家諗起都想食呀!!!!

個清湯煮大蜆好正呀, 啲蜆真係明乎其實係好大隻, 又鮮甜, 又無沙, 正過香港個啲好多!!!個炭燒鮑魚就最無驚喜, 但勝在唔貴!

整體嚟講, 係呢個鷺梁津水產市場食海鮮, 唔一定特別平, 但勝在係食佢個風味, 都係一個值得去既!!!