食飽呢個好正既海鮮lunch都已經係15:30, 就要去行吓街買吓嘢, 幫助消化.
沿住同一條地鐵路線, 我地就去咗梨大站行吓, 梨大站即係梨花女子大學, 唔知可唔可以見到多啲靚女呢?
街道兩旁有好多車仔檔賣小食, 不過今次無幫襯, 因為頭先個餐都未落格, 但因為口渴, 就買咗啲熱嘢飲啦.
係呢條街有間好似Log-On既鋪頭, 我就係度買咗啲cute版韓國古代人物既磁貼及luggage tag.
之後就去咗首爾站個間Lotte Mart(樂天超市)再補給啲手信, 雖然所買既嘢食全部好輕但係個size就好鬼大大件, 又唔可以壓, 要handle with care 啦!!!
首爾既地鐵都唔難搭, 又有英文及中文, 所以指示都好清楚, 買ticket及增值都好容易.
而地鐵月台仲有得顯示嚟緊下一班地鐵仲有幾耐先到及位置圖.
買完嘢之後就酒店drop低啲嘢, 之後再一次轉戰明洞, 勁買化妝品!!! 我既腳毛留低係The Face Shop, It's Skin, The Etude House, Hanskin......買到啲鋪頭都閂門先去食晚飯, 痴咗線!!!
買嘢買到山窮水盡, 要食得平啲先得啦. 於是諗起前兩日係明洞見到間韓式鐵板燒專門店(Yoogane), 好似好吸引, 一於試吓啦.
我地就叫咗個炒雞鐵板燒, 待應會係你面前幫你炒, 唔使自己出手!!! 味道都好好食, 有驚喜喎!!
食飽埋單都已經係11:00pm啦, 返酒店點吓頭先係明洞既化妝品戰利品先!!
呢個係咪好得意呢??呢個係The Etude House買既動物蛋型hand cream, 係我今次戰利品既favorite!!!
好得意呀~~ D HAND CREAM~~
ReplyDelete你兩個自遊行難唔坐安排呀??
因為我都想自遊行呀~~^^
[版主回覆03/01/2011 23:56:00]韓國既化妝品好多都好cute架, 真係靚到唔捨得用
其實之前plan自遊行都驚有問題, 因為當地英文都唔係好用得, 但係去用之後, 發覺ok呀, 語言上無我想像中咁難, 因為好多shopping及食嘢既地方都有人識講國語,,,,跟住本自由行天書就ok
handcream好 cute呀!!!!!!!! 送禮自用都好靚呢....
ReplyDeletethe face shop聽講真係好平呀.....香港無乜見過有The face shop喎....我o係新加坡見到HKD $50左右 FOR 3塊呀......
[版主回覆03/03/2011 23:26:00]個set handcream已經分別送咗俾唔同既朋友啦,,,真係好cute, 唔捨得用!!!
The face shop幾年前係香港有分店, 但後來close晒, 佢啲嘢好鬼抵, 最鐘意就係mask, 我上次去台灣都幾買呀,,,,,
請問 動物 hand cream 貴唔貴? 我呢個星期六會去首爾自由行 4D3N. 本來冇打算買 etude 既 products, 但見到你個 blog既 hand cream 好得意, 如果唔太貴, 想買黎當手信. 謝謝!
ReplyDelete[版主回覆08/31/2011 23:24:00]我唔係好記得exactly幾多錢啦, 不過就肯定唔係貴呢, 因為我都係買咗呢當手信送俾朋友.
Have a good trip 啦,,,