首爾食+買自由行之旅-Day 4(上)

今日係我地勁食+勁買首爾之旅既最後一日, 我地回程既飛機係晚上8pm, 所以仲有成日可以玩, 於是就去返前兩日plan咗去既N Seoul Tower 同埋裡面既Teddy Bear Museum.

上去N Seoul Tower有兩個方法, 座纜車或者座巴士, 我地今次就座巴士, 一來巴士站係酒店門口, 二來巴士平好多.

巴士去到山上既總站後, 就要行一條大斜路上tower, 平時唔多做運動既我更加咁凍, 真係有啲索氣!!!

天氣好好呀, 藍天白雲, 斜路兩,旁有樹加上鋪滿白雪, 影相good呀!!!

來到N Seoul Tower既情侶, 會係度買塊磁磚之後寫上祝賀既字句然後黏上牆作為記念!!

我地無上到去tower頂, 但就去咗個teddy bear museum.

雖然我唔係一個teddy bear big fans, 但係入面就用咗熊啤啤去整咗啲場景去介紹韓國既歷史, 做得真係好得意!

最得意係啲古裝造型既熊啤啤, 要自拍吓先得!!!

玩完就落山, 搭番巴士去明洞食午餐啦! 走之前再望多次首爾既景色!