陶生生日快樂

9月2日係謝菲既生日, 同樣都係第一年以陶太既身份同佢慶祝, 繼上星期既曼谷生日之旅咁開心, 所以呢個birthday正日, 莎拉當然要令謝菲繼續開心!!!! 其實今年已經係第N年同謝菲慶祝生日, 所以真係好多嘢都已經送過, 因此每年都真係要諗啲計仔, 盡量整啲新嘢沊吓對方.

為咗要有啲心思, 所以生日蛋糕都DIY, 整咗個New york cheese cake.

而咁啱得咁蹺, 上個月係yahoo既團購見到有puzzle 生日卡, 又記得謝菲曾經提過如果將啲相整做puzzle都幾得意, 所以莎拉就買咗一張團購coupon(好抵呢, 只係$29, send自己張相及字句, 完成後就會寄回, 好方便).

謝菲努力齊puzzle中.....

今年就送咗份謝菲一定鍾意既勁嘢俾佢, 我用雜誌紙當花紙包, 特登整到肉肉酸酸咁, 但謝菲一拎上手, 就已經開始估到, 有啲頭緒啦! (因為工作關係, 所以間唔時都接觸iPad, 所以對iPad既包裝如瞭指掌).

祝老公生日快樂, 身體健康, 工作順利!!!!!