生日飯-八王子日本料理

同謝菲慶祝生日既2人飯局, 食日本料理就最啱, 份量細細, 可以叫多幾款試, 加上日本料理不嬲都係謝菲既”飛彿”. 今次就揀咗係openrice有唔錯評價既尖沙咀亞士厘道八王子日本料理.

入便既裝修好有70年代懷舊日本feel, 牆上貼滿昭和時代的電影海報, 廣告及玩具作為佈置, 而個menu埋面都得意, 有好多懷舊既卡通人物.

食物既種類及款式好多, 我地淨係睇住個menu諗食咩嘢都用咗15分鐘!

唔好講咁多, 先嚟兩杯嘢飲先, 叫咗梅酒及提子soda, 而家做緊promotion, 果實酒或特飲都係兩杯$48, 都好抵飲.

兩個人叫咗: 刺身拼盤另加油甘魚刺身, 4點火焰特選壽司, 燒蠔, 串燒牛舌, 冬姑, 日式雞骨肉腸, 自家製雞肉丸, 日式大蒜燒骨,  雜錦天婦羅, 魚子軟壳蟹卷.

啲sashimi好新鮮呀,,,,真係oishi呢!!!!

而個4點火焰特選壽司全部都係肥美既belly位, 好正呀!

叫咗2隻燒蠔, 一個香草汁, 一個他他汁, 我就覺得他他汁好食啲呢.

再嚟就係串燒啦, 一見到就立即食啦, 連相都無影呀, 個牛舌真係好好味呀!!!!!食完好想再嚟多一客呢!

之後就係佢地其中一個招牌菜"自家製雞肉丸", 食既時候將蛋黃同雞肉搞均. 啲雞肉丸好彈牙, 如果有碗白飯就真係正!!!

雜錦天婦羅及魚子軟壳蟹卷, 沒有特別既驚喜!

而最後就係日式大蒜燒骨, 呢個係後加既Order, 因為見隔離檯既日本人食得好知味, 所以先叫呢! 呢個都好食呀, 最啱送酒一齊食呀!

不得不讚既就係佢地既service, 因為上至經理下至待應都好好服務, 全無黑面(仲好好笑容), 食完又唔會拿拿聲收晒檯上既嘢趕你走. 真係好耐都未去過一間中價價錢但有咁好服務既餐廳啦!!! 下次會再嚟架!