都成wk14啦, 但係個肚都唔係好大, 只係覺得個肚實咗好多就真呢,,,
Week 15
農曆新年既呢個星期上咗大陸幾日, 呢個星期食嘢又好似好啲啦, 個種作嘔作悶既感覺好似有所改善, 可能因為食嘢既氣氛唔同啦, 不過我個手袋都係常備一個膠袋, 以備無患呀!!!
不過呢頭以為自己好叻女, 成個星期無嘔過, 呢頭搭巴士返嚟香港時, 就係車度勁嘔返成個晚餐, 好彩有個膠袋咋, 又好彩已經番到嚟香港呢, 再好彩就係嘔咗都無人知, 如果唔係真係勁樣衰呀!!!! 不過呢個星期真係嚇C謝菲, 大家諗住放假就去中環食lunch, 可能我一早起身食唔夠嘢就走去食醫生開既suppliment, 所以係地鐵車箱內就差啲暈倒
, 諗住座兩個站就無事啦, 點知係中環站上大堂時, 又再暈眩, 好彩我唔係一個人係街咋, 所以謝菲就拿拿聲走去買cookies俾我食, 食完就當然無事啦, 但係莎拉既下埸就係當然俾謝菲勁話啦!!!! Sorry呀, 老公, 唔會有下次架啦!!!!Week 16
C火啦, C火啦
, 成個肚皮唔知點解無啦啦起晒啲小紅點呀?!!!!唔通係我用既Strech mark cream敏感?!!! 但係無理由架, 都用咗成個星期啦, 而家先嚟敏感?!!!! 停用咗幾日都未有好轉, 上網search原來好多mom-to-be都有呢個問題, 但係好多都係懷孕後期先出呢啲紅點, 但係我而家wk16就起, 點算好呀?!!!! 好痕呀!!! 半夜有時仲痕醒呀!!!! 下個星期去陳醫生做產檢, 唯有忍多一陣, 睇醫生點講啦,,,,陶竇B你要乖呀, 千其唔好有事!!!Week 17
又到產檢時間啦, 一上磅, 撞鬼鑼
, 體重一磅都無重過(莎拉好失敗呀!!!!), 不過好彩, 陳醫生用超聲波檢查"陶寶B"時, 佢就健健康康, 又大隻咗啦, 咁都無咁擔心. 而我肚上既紅點, 陳醫生就話係濕疹, 佢叫我唔好再揸啲防肚紋膏及沖涼唔好用啲太熱既水, 另外就開咗啲口服藥及藥膏俾我, 雖然醫生話對BB沒有影響, 但係我都係痕到頂唔順先食藥呢. 自從我體重無重過呢個消息一出, 謝菲同莎拉既媽咪就開始迫我食多啲
, 媽咪仲特登整番我以前好鐘意食既煎薯仔餅俾莎拉夾麵包當早餐呢, 有時覺得做孕婦時, 真係有種幸福既感覺呢.
無錯女人懷孕係大晒架！哈哈！加油啊
ReplyDelete[版主回覆02/19/2012 10:16:09]而家就大晒, 遲啲陶寶b出世, 莎拉就會被扁為奴隸架啦,,,wakaka!!!!
肥B唔肥媽真好~!
ReplyDelete至於濕疹呢, 就盡量唔好R 佢, 忍到就忍, 我都試過, 超辛苦~! 但唔會影響到小B的, 放心.
[版主回覆02/19/2012 10:18:20]我一真都無皮膚問題架, 所以呢次濕疹真係好辛苦, ai~~~唔r唔r最後都係度r呢, 好彩醫生開咗藥, 我食咗3次就已經好啲啦, 呢啲濕疹真係好大鑊,,,,
我都feel 到你好幸福呢~
ReplyDelete[版主回覆02/19/2012 10:18:49]haha,, 而家就係幸福, 遲啲遲啲陶寶b出世, 莎拉就會被扁為奴隸架啦!!!
帶定小食係手袋, 一暈就食下啦!~~
ReplyDelete[版主回覆02/19/2012 10:21:25]我而家有呀, 一定有條嘉頓蛋卷呢, 上之領咗一嘢, 真係知驚啦....
陀bb真係大哂ga,不過要小心身體呀...
ReplyDelete[版主回覆02/19/2012 10:22:33]而家真係全家人既focus都係自己身上, 所以一有咩頭暈身㷫都要好小心呢,,,
一定要好好享受做女皇既日子呀~~哈哈~~
ReplyDelete[版主回覆02/19/2012 10:23:24]係呀, 呢個女皇做得唔耐架, 真係要enjoy enjoy呀, 遲啲陶寶b出世就會被扁為奴隸架啦
其實係呀做大肚婆都幾好,至少老公&家人都鍚多d!! 你now 17 weeks 啦??
ReplyDelete[版主回覆02/19/2012 10:24:56]係呀, 我而家開始18wk啦, 做大肚婆既時候真係成個女皇一樣, 一開聲就有人服待,,wakaka,,,
17WK 都冇重過呀. 咁咪好LAW. BB 有大就OK
ReplyDelete我18WK .重咗3LBS. 但之前輕咗4Lbs . 即係打和. 哈哈
[版主回覆02/19/2012 10:29:47]咁你都好好呀, 打番個和, 希望中期都唔好肥得太緊要, 對bb同自己都好啲呢,,,,大家都要加油呢,,,^o^
結婚果日係公主, 大肚果陣係女皇, 你好好享受老公鍚你啦...
ReplyDelete[Shelley回覆02/19/2012 21:27:49]哩句本來打算等你生左先通知你架...哈哈....
[版主回覆02/19/2012 10:30:51]heehee, shelley, 仲欠一句呀"bb出世就會被扁為奴隸架啦" ^o^