為咗迎接"陶寶B"既來臨, 謝菲就已經換過另一部單反相機同紅圈鏡, 因為我地要為"陶寶B" capture每一個precious moment. 雖然"陶寶B"未出世, 但謝菲都要用部新相機影吓相先得.
農曆新年假期, 人人都話香港最靚既日落係下白泥, 所以莎拉同謝菲就去咗下白泥行番個新年大運. 係元朗搭小巴入下白泥大約要20分鐘, 我地去到既時候剛剛係開始日落呢, 但係好可惜, 個天好多雲呀, 當個咸蛋黃落啲都影唔到啦, 只係影到少少日落呢...
原來都有唔少人專登入下白泥睇日落架, 當日就有一班僧侶呢, 嘩, 唔知係咪練武之人呢, 點解佢地可以著咁少衫架?!!!
莎拉就充當"Old模", 影咗幾張相呢, 當時已經係wk15架啦, 係咪唔多覺有BB呢?!! 第時"陶寶B"出世後, 我諗都幾難叫謝菲再影莎拉既單人相啦.....
既然入到下白泥, 本身想去流浮山身晚飯, 但係莎拉都唔食得海鮮, 所以就出番去元朗食啦. 難得入到嚟元朗, 不如就食"大榮華"啦, 2個人叫咗4個餸, 都係啲家常餸呢, 食到好飽呀, 當晚當然係食唔晒啦, 又眼闊肚窄啦!
恭喜! 恭喜! 你身材仍然很fit~
ReplyDelete[版主回覆02/14/2012 23:17:08]真係唔講都無人知我有咗呢, 所以仲未可以有人讓位俾我呢,,,><
好FIT呀~~完全唔似15WEEKS呢....BUT最緊要BB健康啫~~~
ReplyDelete[版主回覆02/14/2012 23:17:58]係就係fit, 不過而家要開始食多啲嘢啦, 因為我到而家未重過呢,,,,><
你依然咁fit wo
ReplyDelete[版主回覆02/14/2012 23:18:20]heehee, 一啲都唔似大肚婆呢,,,,
嘩嘩嘩~ 你真的好FIT, 睇唔出有左~!!
ReplyDeleteBTW, 情人節快樂~^^
[版主回覆02/14/2012 23:19:22]而家要開始食多啲嘢啦, 因為我到而家未重過呢, 希望遲啲好啲啦....heehee, 我都祝係happy valentines day 呀!!!!
”日落”好靚．．．．．
ReplyDelete2010年情人節快樂，2011 & 2012年太太節快樂
[版主回覆02/14/2012 23:20:27]hehe,, 我鍾意呢個terms"太太節"呀!!!! 我都祝你日日好似太太節咁快樂!!!
情人節快快快樂呀,大榮華我都好耐無去過啦,原來下白泥睇日落咁靚ga,搵日同男友都去先...^^
ReplyDelete[版主回覆02/14/2012 23:22:10]白泥睇日落真係唔錯架, 不過記住著多件衫呀, 都幾大風架..我都祝你同honey 情人快樂!!!
情人節快樂呀~~ 我上次去白泥都影唔到大大咸蛋黃呀, 不過環境都好舒服!~~ 點解會有D奇裝異服既人黎影日落既? 好奇怪呀!~ ><
ReplyDelete[版主回覆02/19/2012 10:03:46]影唔影到日落真係要睇彩數呢, 我地set好部機次後, 影得幾張個日落就俾啲雲檔住啦.....haha,,我地見到呢班僧人都真係o晒咀呢, 因為同個view真係好格格不入架....
哇你好瘦, 我上次幾年前去白泥影唔倒日落…一大舊雲…=.=
ReplyDelete[版主回覆02/19/2012 10:07:25]睇唔睇到日落真係睇彩數架, 就算市區好天, 入到去都可能睇唔到架,,,,,
真係完全唔似大肚呢~ 下白泥都係我好想去既地方，但係bubu成日話揸車好難入唔肯去囉 ><
ReplyDelete[版主回覆02/19/2012 10:09:29]heehee, 就係睇唔出, 所以仲未會有人讓座呢,,,,其實下白泥係流浮山再入啲, 都唔係好難入去架咋,,,
真係完全唔似大肚呢!!!
ReplyDelete[版主回覆02/19/2012 10:10:07]係呀, so far, 公司啲同事唔講佢都唔知我有咗呢,,,
真係唔似大肚呢~~~
ReplyDelete[版主回覆02/19/2012 10:12:00]係呀, 所以而家搭車都仲未會有人讓位俾我呢,,,,
15weeks 都唔多見肚喎,,,,我未有個肚都大你好多, haha!!! d 憎侶影相架生都好勁喎...!!!
ReplyDelete[版主回覆02/19/2012 10:14:15]hahaha, 我可能啲衫唔多貼身, 所以唔多覺大肚呢,,
個班僧人好似好pro咁款呢, 我地好多人都掉反轉影佢地呢, 因為係下白泥見到佢地, 真係有啲怪怪呢,,,