2012/04/04

拍拖movie night

有咗陶寶B之後, 莎拉同謝菲而家都會特別珍惜兩人拍拖既日子, 雖然我倆已經計劃過傾過, 就算第時陶寶B出世後, 都要每個月搵時間出去拍拖二人世界一吓.因為兩夫妻有咗小朋友就真係好多時都會忽略咗兩夫妻既感情呢! 雖然自己就識話就係咁話, 但都好驚到時未必可以做到呢.

2012/3/31 星期六過咗一個開心既一日, 其實都無咩特別, 只係好relax好充實呢. 早上起身就係屋企hea吓上吓網, 之後就準備咗謝菲好鐘意食既"冬陰味雞絲扎肉金邊粉"等佢放工返嚟食lunch.



下午既節目就係莎拉整咗啲新鮮出爐既"藍莓脆脆muffin"作為3點3下午茶!!!


到咗夜晚, 就去Elements睇"春嬌與志明", 係開場前就係Haggan dazs食咗個好滿足既dessert, wakaka, 有6個不同口味既雪糕球, 雖然大肚既莎拉唔應該食咁多生冷嘢, 不過有咗陶寶B之後都係第一次食雪糕咋, 一次咁多啦.

食完之後就準時入場睇"春嬌與志明"啦, 睇完真係好開心, 因為呢套戲入面有好多"抵死"既對白, 而大家記住睇片尾呀, 因為真係笑死無命陪呀!!!! 

張貼者： 於
標籤：

11 comments:

  1. 艾利絲4/04/2012 4:26 PM

    我都睇左, 好好笑呢!
    [版主回覆04/10/2012 21:12:17]而家成日都記住啲搞笑對白同余文樂mtv個樣, hahaha!!!

    ReplyDelete
  2. Mrs. Sun4/04/2012 4:57 PM

    我都等緊同老公睇, 佢返工返足7日, 只有夜晚先有時間陪我 > <
    [版主回覆04/10/2012 21:13:12]假期有無去睇呀?! 余文樂個mtv look真係好正架!

    ReplyDelete
  3. 喂HELLO4/04/2012 5:43 PM

    我好鍾意食金邊粉, 請問邊度有得買呢?
    我都睇o左, 好好睇呀
    [版主回覆04/10/2012 21:15:51]啲金邊粉可以係百佳有得賣, 個牌子係"金御膳"既乾金邊粉, 食之前浸軟佢, 之後拖一拖熱水就ok架啦, 好正呢

    ReplyDelete
  4. 珍妮貓4/05/2012 9:56 AM

    咁你食雪糕個陣陶寶b有無勁郁呀!!!
    我同朋友睇左笑到癲左呀!!!
    另外我想問下你個金邊粉個湯底點整呀!!!!
    [版主回覆04/10/2012 21:20:34]食雪糕時係咁郁個個係我呢(太開心呀), 唔係陶寶b呀!!!我而家都間唔時成日記住套movie既對白, 因為真係好好笑呢.....
    個冬陰公湯底係用之前去bangkok時買既湯粒整架, 唔係自己100%整呢. 不過都好好味呀

    ReplyDelete
  5. ❤木木子❤4/05/2012 11:06 AM

    我都睇左呀~! 不過俾佢第一幕嚇c, 肚仔痛左一陣, 真掃興呀~!
    [版主回覆04/10/2012 21:21:28]係呀, 第一幕好似final destination咁, 我都俾佢嚇咗一嚇呀, 不過之後就笑c我呢,,,

    ReplyDelete
  6. 圓圓4/05/2012 1:49 PM

    你好勁呀，我自從有左都懶得煮野食......
    等我放假又捉MR HO一齊睇先～
    [版主回覆04/10/2012 21:31:01]我有咗頭4個月都完全無心機整嘢食架, 真係連整個麵都唔想呀, 不過個咗4個月倒就會好好多, 我諗到時我就會見到你開始寫番整嘢食架啦..

    ReplyDelete
  7. ka ka（金金一族）4/05/2012 4:26 PM

    藍莓脆脆muffin好靚，好吸引........
    (Haggan dazs食咗個好滿足既dessert，哈！哈！不斷滿足........)
    And 祝你們復活節快樂.....有個開心假期
    [版主回覆04/10/2012 21:31:34]而家諗起個haggan dazs都想食呀,,,,

    ReplyDelete
  8. 珍妮花4/06/2012 3:55 AM

    碗冬陰味雞絲扎肉金邊粉個樣好好食! 我都想睇春嬌與志明, 唔知幾時先出碟...
    [版主回覆04/10/2012 21:33:04]我同老公都好鐘意食金邊粉呢,真係百食不厭呀!!!!
    好似有人將春嬌與志明放咗上internet啦, 你試吓睇吓搵唔搵到,,

    ReplyDelete
  9. 傻瓜‧菲4/06/2012 4:44 PM

    你碗愛心金邊粉好好味咁呀!!!!!!!!!!!!!!!!! 兩口子梗係要拍下拖..享受2人世界喇~~~enjoy呀!!
    [版主回覆04/10/2012 21:34:36]拍拖既2人世界以後就會變得越嚟越少啦, 所以而家都會好好enjoy, 去多啲街拍拖呢...

    ReplyDelete
  10. 小小4/10/2012 5:39 PM

    而家真係要好好享受下2人世界呀~~雪糕真係好令呀, 不過食一次好喇~~
    [版主回覆04/10/2012 21:36:03]無錯呀, 雪糕真係唔可以食咁多呀, 一來肥係自己到, 二來食太多甜嘢都唔好呀, 而家我仲可以control到自己, 希望遲啲都可以control到啦...

    ReplyDelete
  11. Fanny Yip4/14/2012 12:44 PM

    好sweet呀你地...
    [版主回覆04/22/2012 10:05:00]我地都係盡量係BB出世前, 多啲拍拖呢.

    ReplyDelete

Subscribe to: Post Comments (Atom)