BB會 / 媽媽會大雜會 (一)

而家啲BB會同媽媽會真係多到你都數唔晒, 初頭諗住慢慢join唔駛緊, 但係點知好多BB會send咗application form之後, 要補番個懷孕証明, 所以來來回回有啲BB會要成差唔多個半月先會Confirm你既申請, 之後先會寄出迎新禮物呀!

莎拉都唔係好記得自己申請咗幾多個BB會及媽媽會啦, 因為好多都係application form send咗出去, 而家先開始慢慢收到迎新禮物呢. 而有啲會既迎新禮物好實用, 不過有啲就真係好"流"啦, 不過咁, 唔駛錢既free gift 都唔可以期望太多啦.

好啦, 睇一睇莎拉呢位C9仔究竟Join咗幾多BB會同媽媽會先.

(1) 美贊臣BB會收到個媽媽袋同一本會員優惠書仔連同會員Card, 不過本來仲應該會收到BB手襪仔及嬰兒紗巾, 但係唔知點解到今日都收唔到呢?!!!(唔通佢執漏咗?!!)

(2) 美素佳兒媽媽會一本好實用及內容都好豐富既懷孕書及一包媽媽奶粉試飲裝

(3) 雀巢BB會會員卡及一本好Brief既育兒名營養資訊, 不過咁攞住雀巢BB會既會員卡去護協買嘢有discount架.

(4) 惠氏媽媽會有思樂既清潔棉及濕紙巾, 一包媽媽奶粉試飲裝, 換領baby mo雜誌及disney world of english禮物既coupon及會員卡, 同樣地攞住惠氏媽媽會既會員卡去護協買嘢有discount!