中秋節快樂

莎拉小時候好鍾意中秋節架(到已家都好鐘意), 有好味既月餅食, 又有好多時令生果, 最緊要係有得落街玩燈籠(即係玩火啦), 加上仲有假放, 所以真係好鍾意呢個人月兩團圓既節日呀.  
今年加入新成員陶寶B, 所以今年既中秋節特別有意義呀! 小朋友過中秋就一定要有燈籠玩(Heehee, 其實係莎拉媽媽想玩陶寶B就真), 不過佢人仔細細, 又未識得玩燈籠, 所以真係好難揀到個啱心水架呢. 剛好陶寶B既姑姐有朋友送咗個好Cutie既白兔燈籠仔比佢, 所以姑姐就俾咗呢個燈籠仔俾陶寶B啦. 因為佢仲未識得拎住, 所以唯有插係架BB車啦, 著咗燈之後, 陶寶B仲會眼仔碌碌望實個燈籠仔.

行過7仔莎拉見到有隻Mini鬆弛熊公仔仲有燈架, Heehee, 於是莎拉又忍唔住買多個燈籠仔俾佢呢, 真係掛到成車都係燈呀, 到時一閃一閃中秋節呢!

今日就係中秋節啦, 陶寶B祝大家人月兩團圓, 過一個開心中秋節!