敗家記 - Reebonz (online store)

座月個一排, 因為成日上網所以留意到一間新加坡公司叫Reebonz既會員制online store. Reebonz係專賣水貨名牌手袋銀包之類既用品, 有啲似香港既Twist, 所以價錢會比正價平.
而Reebonz既消售形式都幾特別, 因為佢每件貨品都係有時限供購買, 好多時都係只放上網2-3日.
另外就係每件貨物都係得好少量, 有時得1-2件, 所以可能會出現想買既心頭好, 睇兩睇, 等兩等, 轉頭已經俾人買咗, 所以係要搶.
不過其實online買嘢, 最擔心就係買到假貨, 所以莎拉都係做吓research睇定啲先. 上網search完一輪, 發現啲人comment因為間公司係新加坡公司, 那邊既法例比較嚴, 所以賣假嘢既機會比較微, 加上莎拉見佢近來係好多時裝雜誌落晒廣告, 仲有就係見有啲網民既售後評價都OK, 所以都可以試一試. 
莎拉呢次既目標就係"奶粉袋", 所以睇咗及等咗一排, 終於見到個啱心水既"奶粉袋"啦, 就係Kate Spade既 tote bag,

因為見佢價錢都唔算太貴, 二來個袋面係膠面可以方便清潔呢. 所以就決定買啦.
俾咗錢後, 第4日就收到速遞Fedex由新加坡送嚟既包裹(ps包郵費架).
嘩, 好大盒呢, 成個大膠袋包實個箱!上面綁咗隻好大既蝴蝶結, 好似拆禮物一樣.



拆開之後就係用咗張黑色既紙包住個袋, 之後就再裝住Kate spade個手袋, 真係多重保護呀!


 立即試用上身先!!!

Good呀, 好鐘意呢個sharp color, 同BB車Match晒, 個袋同網上既相接近十足十呀!

I like it!!! 幣家火啦, 以後上網又多一個引誘買嘢既地方啦!!!