基本上一星期, 一至日都會返媽咪屋企食晚飯, 所以而家都好少下廚啦. 難得星期日媽咪約咗朋友唔得閒, 所以星期日夜晚呢餐就要自己搞掂啦. 有阿陶寶B係度, 莎拉想整自整個晚餐都比較難, 所以今次就謝菲出場啦 (其實佢係怕莎拉煮飯時, 陶寶B扭計時佢搞佢唔掂, 所以就不如佢煮呢), 剛好謝菲前兩日係生果日報見到教"白酒煮藍青口", 於是就不如試一試啦. 雖然謝菲唔係成日下廚(以前讀書時反而謝菲煮嘢食多過莎拉呢), 但係煮得好好味呀, 啲Pasta嗦晒啲cream sauce, yummy!!!
同場莎拉就自創咗個菜"芝士焗雞肉Portabella蘑菇", 係超級市場見到Portabella蘑菇做特價, 三大舊都係$20, 呢種蘑菇莎拉好鐘意食架, 因為好厚肉又好香菇味架, 不過加少少雞胸肉及芝士一齊焗都係第一次, 效果真係唔錯呢.
同場莎拉就自創咗個菜"芝士焗雞肉Portabella蘑菇", 係超級市場見到Portabella蘑菇做特價, 三大舊都係$20, 呢種蘑菇莎拉好鐘意食架, 因為好厚肉又好香菇味架, 不過加少少雞胸肉及芝士一齊焗都係第一次, 效果真係唔錯呢.
就算幾飽都好, 女人個胃係有2個, 一個係咸點, 一個係甜品, 唔食過甜品的話, 真係唔complete架. 就地取材, 見雪櫃有啲隔夜麵包, 就焗個"麵包布甸", 快靚正, 秋天凍凍地食啲暖笠笠既甜品, 真係特別滿足呀!
睇見都覺得好味！
ReplyDelete[版主回覆11/23/2012 14:51:07]少下廚, 真係物以罕為貴, 所以特別好味呢
好幸福， 有個識煮嘢食的老公！
ReplyDelete[版主回覆11/23/2012 14:52:04]呢個私家廚師係limited edition, 唔係成日有得食架!!!
謝菲都煮得下喎~~GOOD!!!! 睇落好好味咁呀~
ReplyDelete[版主回覆11/23/2012 14:54:26]heehee, 呢個私家廚師都整得唔錯呢, 都呃得吓人架!!!
睇到都流曬口水~
ReplyDelete陶寶B第時實有口福
[版主回覆11/23/2012 14:55:51]腸嚟第時陶寶b都會係胃食b (似足嗲哋!!!)
好正呀～～～謝菲好勁呀～我老公最勁都係通粉～哈哈！真係失禮人～
ReplyDelete見到你個BREAD PUDDING好想食～～
[版主回覆11/23/2012 14:57:34]呢個私家廚師唔係成日下廚架, 真係limited edition!!! 啲菜色呃得吓人呢,,,,
天氣冬冬地食BREAD PUDDING特別正架!!!