6th month 成長之路

體重及身長:
6個月又返健康院打針啦, 所以可以除晒衫光脫脫上磅,  陶寶B既體重係7.63kg(16.8磅), 身長速度正常, 係生長線上既中位數, 所以陶寶B係中碼BB呀, 如果佢當時足月出世的話, 陶寶B就係大碼BB啦. 而家抱佢真係好重呢, 所以莎拉已經忍唔住係上個月買咗個Hipseat carrier減輕負荷呀.

食量:
由5mth2wk開始, 陶寶B首先開始每日試食2湯匙既米糊+奶粉學者吞嚥, 陶寶B真係進步得唔錯, 食咗幾日之後就明顯開始識吞啦(叻叻呀!). 跟住就開始試加蔬果蓉或生果蓉入米糊, 份量加至3-4湯匙. 到咗5mth4wk, 陶寶B已經食得津津有味, 有時仲會食到唔夠喉添. 因為食既米糊份量唔多, 所以都係會補番奶粉, 因為唔夠飽會發汶憎.

活動能力:
- 呢期陶寶B好鐘意用右手拍打任何物件(檯面), 所以相信陶寶B第時應該係用右手呢.
- 學識"彈彈跳", 座係大人大脾時就彈唔停, 好似跳緊PSY Gangnam style, 識跳唔識企, 姑娘話"Fail", 不過因為陶寶B係不足月出世, 計起上嚟而家只係5個月, 所以上下個月要再番健康院check吓發展能力呢一part內既學企進度.
- 明顯有自己既情緒, 唔高興或唔鍾意會發皮氣, 高與時會主動笑笑.
- 呢一期新遊戲就係躲貓貓, 之前唔係好識玩,
- 而家開始識玩到笑. 仲有就係"bubu唧"遊戲, 陶寶B原來係怕"唧"既BB, 我會好遠咁叫Ethan, 之後就慢慢走向陶寶B既方向, 而未就到埋嚟, 陶寶B已經哈哈笑, 之後拉莎拉就會繼續唧佢.

作息時間: 依然係食完夜晚餐奶就會瞓, 不過莎拉想將個時間較早啲呀, 因為而家成11PM先食, 氹埋佢瞓都差唔多成12PM, 所以想佢早少少瞓, 一來唔想陶寶B做夜貓子, 二來陶寶B早啲瞓, 咁自己可以多啲私人時間整吓自己嘢.

健康:
感恩陶寶B身體健康, 就算打預防針都無發燒. 好多人都話BB過了6個月就會用完媽媽既抗體之後就會開始多病, 希望陶寶B 6個月之後都係健健康康啦.