東薈城食Lunch buffet - Essence

2013/3/3
呢一排都無咩帶陶寶B行街, 所以就不如一家三口行吓街. 好耐都無去過東薈城啦, 上一次去都差唔多3年多前呢. 記得東薈城內有間Novotel酒店, 好似啲buffet都好抵食咁, 今次星期日既行程就係食buffet+行outlet mall.
陶寶B, 我地準備出發啦!!! 去到邊都要帶住Sophie, 出街時莎拉媽媽一定唔可以執漏架!

莎拉唔係buffet big fans, 特別係lunch buffet, 因為明知食完lunch buffet之後就晚餐都食唔落, 不過東薈城個附近都無咩特別嘢好食呀, 試吓佢既buffet都好呀.
預早幾日打電話去book定兩位大人加一位BB, 初初仲諗住東涌咁山卡拉既Buffet應該唔多人食, 點知去到見到人山人海, full house呀, 好彩有book定位, 如果walk in 真係分分鐘無位呢. 

不得不讚一讚餐廳既安排, 因為佢地俾咗一個好闊落位置我地之餘, 仲set咗張booster seat俾BB座, 讚呀!!! 

而陶寶B個小朋友位仲有張專為小朋友而設既檯墊呢,

襯陶寶B仲瞓緊覺, 莎拉拿拿聲出去拎嘢食先.

其實食物既選擇唔多, 不過Lunch buffet $168呢個價錢算係咁架啦. 冷盤有三文魚及另外一款唔記得名既sashimi, 食落都好新鮮. 而青口就麻麻地呢, 另外cocktail蝦都好好食.

莎拉食完個頭盤, 陶寶B就開始醒唔多耐煩, 好啦, 抱陶寶B上Booster seat陪我地一齊食(其實係睇住我地食至真!!!)

莎拉就speed up食埋個熱盤先, 推介個roast beef 及roast lamb, 好食呀, 其他就真係又係大路嘢, 無咩特別. 至於甜品就,,,,,莎拉都無影相就知咩事, 因為太普通呢, 可以skip.

陶寶B食奶咀食都悶悶地, 又開始唔耐煩, 所以要拎番個Sophie俾佢, 我地有請陶寶B表現歡樂滿東華之"鯨吞Sophie"

莎拉食飽啦, 同陶寶B玩吓先, 玩到佢勁開心!!!

莎拉同謝菲食飽行咗一陣街, 就到陶寶B食奶啦, 搵個地方同陶寶B入油, 好似Pitstop咁.

雖然東薈城係Outlet mall, 但係好多shop都係約30% off, 唔似外國啲outlet mall咁減到起碼50% off, 所以唔覺得真係咁抵買呢, 最後都係空手而回呢, 不過無所謂啦, 至在一家人出嚟食吓嘢行吓街呢, 所以就不如早啲打道回府啦.
翻到屋企附近, 咁啱今日係大角咀廟會, 有好多舞獅係度, 同陶寶B影吓相先.

唔知陶寶B見到舞緊既舞獅會點呢, 相信一定發惡夢呀!!!