寧靜的愉景灣

2015/1/1

新年新開始, 當然要出街行個大運啦, 今天揀選了愉景灣 , 因為莎拉同謝菲都從來未去過呢. 其實去愉景灣都好方便, 搭地鐵到東涌站再轉巴士就到達. (另一選擇就係中環座船)

到達愉景灣都差不多中午時份了, 雖然係假期但係人流真係唔多 (正合莎拉心意呢), 環境清靜空氣清新(因為沒有車的關係吧!), 真係好喜愛呢個地方.

平時假期諗住去吓離島行吓, 但係點知都係迫滿人, 一啲都唔寧靜, 好多時仲要係人山人海, 所以見到愉景灣呢度咁好環境居然唔多人, 真係好驚喜呢. 

愉景灣餐廳選擇都好多, 中西日韓都有, 食咩好呢?!!! 咦, 中東菜, 好喎, 自從上次係黃金海岸食過次後就未有機會再食啦, 一於食中東快餐啦. 

簡簡單單點了個wrap, 咖哩雞肉炒飯, 串燒雞肉飯再加個mango lassie. 

(太肚餓啦, 忘記影相就食了, 只有影呢個咖哩雞肉炒飯)

上次陶寶B太細個, 所以都沒有機會食中東菜今次就俾佢試試啦. 好唔好味呢?!!! 

不過食到有少少辣後就不再食, 陶寶B你都係食翻個唔辣既串燒雞肉飯啦. 

食飽就沿著海邊一路行去沙灘, 沿途有好多外國人, 相信外國住客都佔好大比例. 

呢個沙灘不算特別靚, 不過沙漠上有幾個好熱帶風情既小亭, 今日假期就有好多姐姐係小亭內開party喔, 如果莎拉可以搞個沙灘party都咪話唔爽YY! 

沙灘既盡頭就有兒童嬉戲設施, 陶寶B見到就立即飛奔去玩, 真係老豆性咩都唔知呀. 

不過呢個嬉戲設施又真係好好玩既, 因為平時既都係硬地, 而呢度sir滑梯落地就係沙地, 不知幾個癮 (其實莎拉自己都好想玩埋一份呀!). 陶寶B真係一啲都唔怕高, 明明有三級既高度, 佢就一定會爬上去最高既一級之後sir落嚟. 

愉景灣又有靚餐廳又有靚景又有小朋友既設施, 睇嚟好快又會再嚟架啦.