2014/10/05
今天有姨姨及姨丈相伴, 再加個特別嘉賓小狗Momo一齊玩, 第一站首先去三門仔既"皇朝漁苑"飲個茶先, 呢間酒家設有戶外檯, 所以好適合帶小狗來.
陶寶B近來飲茶既至愛點心係"燒賣", 陶寶B對食嘢好堅持, 佢唔係樣樣都會食, 有時想佢試吓食都耍手擰頭, 所以真係難得而家飲茶佢終於有款喜愛既點心了. 佢一個人可以鯨吞3粒燒賣, 真係人仔細細食量大大.
食飽飽就行一陣散步, 之後就出發去白石角海濱長廊放車(放電才真)喔.
上一次來吐露港呢條長廊還在興建中呢, 雖然今天係星期日, 不過係長廊既遊人真係唔多, 所以散吓步真係好舒服.
架immo三輪車平時除了在屋苑平台踩之外, 今次係第一次出車呀, 不過陶寶B係全程推車呢 (咁不用帶車出嚟啦).
今日除了陶寶B要放電, 小狗Momo都要放電呀, 既然你兩位都有共同目的, 咁陶寶B就負責拖住Momo去跑啦.
小狗與小朋友, 大家估吓邊一個會最快無電呢?! 答案係...........小狗Momo呀!!!
陶寶B就有如電兔金霸皇一樣, 電力十足, 就算攰了只要休息一陣又可以再玩過, 真係唔夠你玩呢. 食番支雪絛休息吓先!
MoMo你想唔想食呀?!
整日都係玩推車, 終於臨走前肯座上單車度踩吓啦, 不失今天嚟既目的係"放車". 好明顯陶寶B已經高大了, 佢座上車度時硬係覺得架車好似相對細了好多呢, 好懷念陶寶B細細個時成舊飯座係Immo時既傻豬樣.
皇朝漁苑 個VIEW 好正呀
ReplyDelete係香港飲茶之時仲有個咁靚既view真係好少有架
Delete