2015/1/17
從前還未係人地阿媽既時候, 莎拉只喜歡夏天的陽光與海灘, 但而家成為人地阿媽之後, 就慢慢地愛上享受冬天郊遊了. 今日就相約埋姨姨及丈丈同埋佢屋企人一齊去咗清水灣郊野公園既大坳門去玩啦.
呢度雖然有燒烤設施, 但係我們呢班pat pat痕既麻煩友就帶了個gaz爐玩野外煮餐蛋麵, Haha, 其實不如係沿途既士多食咗先嚟咪仲好, 駛鬼咁大陣像又拎煲又拎爐喔.
大人就等食麵, 陶寶B人無你咁好氣, 自己食吓蕉, 飲包Juice嘆吓唔好!!
食飽飽就周圍行吓啦, 其實莎拉都係第一次嚟清水灣郊野公園, 只係知道大坳門出名係放風箏好地點.
沿路行上山坡, 嘩,,,真係好大風呀, 唔怪知得呢度係一個放風箏熱點啦, 不過今日沒有打算放風箏呢, 因為莎拉同謝菲都未放過風箏, 加上要拖實呢隻馬騮, 所以都係唔好挑戰自己啦, 留待下次先放風箏. 今日等陶寶B騎正宗既木馬呀!
仲可以玩執石仔添呀!!! (其實有咩好玩呢?!)
雖然沒有風箏玩, 不過就可以玩吹波波呀, 陶寶B起勢係咁吹!
不過傻瓜呢度咁大風, 駛乜自己吹呢, 一拎出嚟啲風一吹就希波波啦, Haha, 懶人玩法呀!
上到山頂位真係大風到頭都暈呀, 不過一望無際既風景又真係好靚呢.
係山坡度有棵已沒有葉既樹, 影相個view真係唔錯呀, 推介大家嚟到不妨影番張相呀.
今日咁好陽光, 影剪影Very Good呀!
小朋友就最鐘意轆地, 所以今日就帶埋捐山窿嚟俾小朋友玩.
當然又點可以少咗踢波呢個活動呢, 估唔到陶寶B又踢得幾好, 追到個波嚟踢仲要踢得中呀, 真係叻過莎拉架.
嚟到郊野公園當然要行吓山啦, 不過唔洗擔心呢度有條行山徑不是太難行, 45分鐘就行得晒, 所以非常適合一家大細, 沿途既風景都好靚添.
No comments:
Post a Comment