悠長農曆假期雜項(上)

每年既農曆新年, 莎拉都要被迫放多天既假期, 所以一到新年莎拉就會化身成full time mom. 其實咁多日假期又唔會去旅行其實真係好浪費. 每年既年初一一如過往, 食過午餐後就北上番禺探親啦, 今年陶寶B大個仔好多了又會識講"恭喜發財", 不過就講到勁重外國人口音既"Kung Hei Fat Choi", 每次一見財神, 全盒或利是就會自動波講"恭喜發財", 全家人都被陶寶B氹到好開心.

靚仔, 你唔係想而家拆利是呀嗎?!

有利是逗之外, 仲有表姐仔同佢玩, 上年陶寶B都仲未識得同人玩, 今年就唔同晒啦會追住表姐仔一齊玩呢. 

表姐仔做咩佢就跟住做, 佢座邊度陶寶B又跟住座, Copy cat呀!

呢幾日係大陸時, 每一晚陶寶B都唔捨得瞓, 因為玩得太開心啦, 一要佢瞓覺就會喊爆, 跟住就不斷叫住姨姨, 丈丈及婆婆, 每一晚都被佢玩謝晒. 短短三日兩夜既行程好快就結束了, 回到香港就會繼續part2既農曆新年假期.